पिलेमोन 1:5 - Korwa Bible

⁵ ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।

पिलेमोन 1:5 ပူးပေါင်းရင်းမြစ်များ

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

1 कुरिंती 16:1

नुँहू ईंग भगवानरिकुःआ सुद होड़कू अपेराः पुंजी पसर अते संघरावाकूपे लगायिंग ओजाःगेतना। नाःआ बदीरे गलातिया देसराः कलसियाकूनरिकुःआ होड़कू एचेरेयिंग कतातेरा, हनन इया अपे होँपे एचेय।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इपीसी 1:15

ननानाः लगा ईसू मसीरे अपेराः बिसवास अरू जमा बिसवासी होड़कू लगा अपेराः अलार-दुलार ईंग अयूमकेरा हना वरीते,

कुलूसी 1:4

अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

पिलेमोन 1:7

ने ईंगरीग मसी बोहोयिंग, आम भगवानरिकुःआ सुद होड़कूम दुलारता अरू हँकुःआ होड़कूराः जीव मुरुकमे एचे हड़ियड़गोतेडकुःआ। हनाते आम ईंगराः जीवमे बहालगोतेडा अरू ईंगराः जीवमे सलसतगोतेडा।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।