पिलेमोन 1:24 - Korwa Bible

²⁴ ईंगरिकुःआ सेवा देंगवा होड़कू मरकूस, अरिसतरकूस, देमास अरू लूका आमकू सलामतना।

पिलेमोन 1:24 ပူးပေါင်းရင်းမြစ်များ

मूक चेलाकू 12:12

नाःआ कता पतरस सुदीतेड दो, हाँय एहुनारीग एंगात मरियमराः ओड़ाःरेय सेनेडा। हाँयग एहुनाराः एटाः ञाव दोहोना मरकूस। हंडा मुरुक होड़कू जुमावनेनखन भगवान एचेरे पतरस लगाकू अरजीःआ।

मूक चेलाकू 12:25

बरनाबास अरू साहूल अँकिनराः सेवा चबातेडखन एरुसलेम सहर अते अंतकिया सहर अगीकिन कुदायान। सेनेन मेला हँकिन सुदा एहुनाकिन गोःयाड। अरू हाँयग एहुनाराः एटाः ञाव दोहोना मरकूस।

मूक चेलाकू 13:13

हनते पउलूस अरू आँयग सउंगताकू पाफूस अते जहाजते पंपुलिया छतरराः पिरगा सहररेकू सोदोरनेन। मनदो एहुना हँकिन अड़ाःतेडखन एरुसलेम सहर अगीय कुदायान।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

मूक चेलाकू 27:2

दो अले अदरमितियूम सहर अते वेजेडा मीटोंग जहाजरे देगनेनखन आसिया राइजराः सियाँ सरहद होरते समुंदररे सेन लगाले बुँहड़ीतेरा। अरू अले सुदा अरिसतरकूस होंय दोहोना। हाँय मकिदुनिया राइजराः तिसलूनिका सहररीग होड़े दोहोना।

2 कुरिंती 8:23

तितूसराः बदीरेपे होंबरे दो हाँय ईंगरीग संग अरू अपे लगा ईंगरीग सेवा देंगवा होड़ हवे। अरू एटाः बार होड़किन कलसियारिकिनाः बराहीलकिन हवे अरू हँकिन मसीकिन मान मरजइतता।

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

कुलूसी 4:10

परसार बदीरे ईंग सुदा जेहेलरे इदानिया, हाँयग अरिसतरकूस अपेय सलामतना। अरू बरनाबासरीग नसी-नता बोहोत मरकूस अपेय सलामतना। अपे मनाड़ंगगिंग उदुःवाडपेःआ मरकूस लगा करा इया अपेके एएचे इदा। हाँय वेग दो अपे हाँय नपायतेपे नेत-नेवारगेय।

कुलूसी 4:14

अलेरीग दुलार जिड़ीदार लूका अरू देमास, हँकिन अपेकिन सलामतना।

1 पतरस 5:13

बाबील सहररे इदानकुःआ सुनावतो होड़कू अपेकू सलामतना। ईंग बेटा इयायीग मरकूस हों अपेय सलामतना।

3 एहुना 1:8

हनालगा अबू बिसवासी होड़कू नँकुःआ होड़कू नेत-नेवारकेडखन जमा इयाःआ संघरा एमेवाकू लगा इदा। नाःआते अबू हों हँकुःआ होड़कू सुदा सतायराः सेवा देंगवा होड़कूबू होयाःता।