पिलेमोन 1:17 - Korwa Bible

¹⁷ हनालगा आम ईसू मसीराः सेवारे आमरीग सेवा देंगवा होड़ इया ईंगमे ओंगलिंगता दो, ईंगमे नेत-नेवारता हान इया उनेसिमूस होंम नेत-नेवारगेय।

पिलेमोन 1:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:40

अपेकू नेत-नेवारता हँकुःआ होड़कू ईंगकू नेत-नेवारता, अरू ईंगकू नेत-नेवारता हँकुःआ होड़कू ईंगे वारकेरा हाँयग भगवानकू नेत-नेवारता।

मती ओजाःतेरा भगवानराः नपाय सरवन 18:5

अरू तोनोंगीग होड़ ईंगराः ञावते नाँयग लँइग इया तोनोंगीगे नेत-नेवार दो हाँय ईंगे नेत-नेवारता।”

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

2 कुरिंती 8:23

तितूसराः बदीरेपे होंबरे दो हाँय ईंगरीग संग अरू अपे लगा ईंगरीग सेवा देंगवा होड़ हवे। अरू एटाः बार होड़किन कलसियारिकिनाः बराहीलकिन हवे अरू हँकिन मसीकिन मान मरजइतता।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

पिलिपी 1:7

नुँहू ईंग जेहेलरे इनिदानिंग मेला अरू मड़ंगरे नपाय सरवन, सताय हवे माःआनिंग कनता कताय मेला, अपे भगवानराः मया इया ईंगपे सेवा देंगवातेरा। अपे ईंगराः जीवरे इदानपेःआ। हनालगा अपे बदीरे नाःआ इयायिंग ओंगले दो नपाय इदा।

1 तिमुतियूस 6:2

तोनोंगीग बेगारी होड़रीग मालिक बिसवासी होड़ दोहोन दो, हाँय बिसवासी होड़ इदान अते हाँयग मालिकतेन अलोय आड-बेकारवाय। हँकुःआ बेगारी होड़कू अते नफाकू पवाःता हँकुःआ मालिककू बिसवासी होड़कू अरू दुलारतो इदनकुःआ। हनालगा बेगारी होड़कू अँननकूरिकुःआ मालिककू अनउर नपायते सेवाकू लगा इदा। दो तिमुतियूस, नाःआ जमा कताकूनमे चेडवाकू अरूकू एनेचेगोड ञवन लगाम समझावकू।

पिलेमोन 1:10

ईंग बेटा इया इदानिया अरू ईंग अगीते जेनेहेलरे ईसू मसी एचेरेय बिसवासकेरा हाँयग उनेसिमूस संघरावाय लगा ईंग आम एचेरेयिंग असेयतना।

पिलेमोन 1:12

ईंग मुरुकिंग दुलारगेयता हाँयग उनेसिमूस आम एचेरेयिंग वारेयतना।

पिलेमोन 1:18

हाँय आम एचेरे तोनोंगाः बेलूरे एचेकेरा, अरू आमके हाँय एचेरे गोगोः इदान होले, ईंग जमनींग दोहोनता।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।