मरकूस 9:25 - Korwa Bible

²⁵ ईसू ञेलतेडकुःआ होड़कू मुरुक बतकाव वेग घड़ीन मिनीरेकू जुमाःआ। दो हाँय भूत डंटावतेडखने कताया, “ने कोंदा अरू भइरा भूत, ईंग आमिंग कतावातना, नाँय अतेम उडुंग जुवाः अरू कहियो नाँय एचेरे अलोम जवाःगुः।”

मरकूस 9:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:22

हनते तोनोंग तोनोंग होड़कू मी होड़ होड़ ईसू एचेरेकू अगूतिरिया। हाँयग होड़ कोंदा अरू अंधाय दोहोना। ईसू हाँये नपायतेरा अरू हाँय जमाकूने ञेला अरूय अयुमेःआ।

मती ओजाःतेरा भगवानराः नपाय सरवन 17:18

हनते ईसू हाँयग भूते डंटावतेरा अरू भूत डिंघा अतेय उडुंगयान अरू हनन मेला हाँयग डिंघा नपायबाःयान।

मरकूस 9:15

जमा होड़कू ईसू ञेलतेडखनकू बयावयान। हँकू हाँय अगी बतकाव सेनेवाडखनकू सलामतिरिया।

मरकूस 9:24

दो हाँयग लँइगरीग अपात मुरुक सटीतेय कतातेरा, “ने परबू, ईंग बिसवासगेतानिंग। अरू बड़ियाड़िंग बिसवासगे लगा संघराम ओवायिंग।”

मरकूस 9:26

हनते मुरुक खिररीवाडखन अरू हाँय मुरुक एचे घोलंडावाडिगखन भूत उडुंगयाने। अरू हाँयग लँइग गोएगतो इयाय होयायान। मुरुक बगरा होड़कू कताया, “नाँयग लँइग गोएगयनाय।”

लूका 11:14

तोनोंग दिनरे, मी होड़ भूत एचे कोंदातिरिया हाँयग होड़ अते ईसू भूते उडुंगतेरा। भूत उडुंगनेन दो हाँयग होड़ बड़राःआ अरू हना ञेलवाडखन होड़कू बयावयानकू।

लूका 4:35

दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” दो भूत जमाकू मड़ंगरे हाँयग होड़े एचे कसड़गोतेडीग। मनदो तोनोंग इया मेरेय हानीगडीग अरू हाँय अतेय उडुंगयान।

लूका 4:41

भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।

लूका 8:29

हाँयग होड़ एचेरेय दोहोना हाँयग भूत हाँय घड़ी घड़ी एचे जकलावगेया। होड़कू हाँय सिकिड़ी अरू बेरातेकू तोलेया। हनारे हों हाँय हना सिकिड़ी सीडगोडाय अरू भूत हाँय टयंगाब ततेररेय गोःयाया। दो ईसू हाँये ञेलतेड अरू भूत उडुंगगुः लगाय हुकुमतेरा।

लूका 9:42

हाँयगरीग बेटा वेग मेला भूत हाँये एचे दरकावतेरा। ईसू हाँयग भूते डंटावतेरा अरू बेटात नपायनेनखन हाँयग अपात एचेरेय जिमातिरिया।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।

जूदा 1:9

मनदो जमाकू अते मरंग सेरमो देसरीग बराहील मिकाईल हों, मोसेसराः मुरदा लगा कलउ सुदाय लड़ाइ मेला, हाँयग कलउ बदीरे तोनोंगाः ओपता बड़रा मेरेय कतागाड, मनदो हाँय नाःआ इयाय कतातेड, भगवान आमे डंडियावता, माःआन।