मरकूस 8:34 - Korwa Bible

³⁴ हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मरकूस 8:34 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:38

अरू अनँयग कुरूस रेमकेडखन ईंग तयोम मेरेय सलाः दो, हाँय हों ईंग जुकूर कोनोवाया।

मती ओजाःतेरा भगवानराः नपाय सरवन 16:24

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मती ओजाःतेरा भगवानराः नपाय सरवन 27:32

दो सइना होड़कू हना सहर बहरी ईसूकू गोः मेला, हँकू कुरेन सहररीग सिमोन ञावीग मी होड़ होड़ सुदाकू जुमावनेना अरू हाँय ईसूराः कुरूस रेम लगाकू रेनहातिडिया।

मरकूस 10:21

ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मरकूस 7:14

हंडाकू दोहोना हँकुःआ होड़कू अनँयग एचेरे अरू राःतेडकूखने कताया, “अपे जमाकू ईंगपे अयूम अरू नाःआ बड़रापे बुझाः।

लूका 13:24

“ईंग अपे एचेरेयिंग कतायतना, मुरुक बगरा होड़कू बोल लगाकू चहाःता मनदो ओरोकू बोलो अवेनेना। हनालगा सेपटा दुवारते भगवानराः राइजरे बोल लगापे कुरनिसगे।

लूका 14:33

अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

लूका 20:45

जमा होड़कू अअयूमा, हनमेला ईसू आँयग चेलाकू एचेरेय कताया,

लूका 9:23

हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग।

एहुना 10:27

ईंगरिकुःआ भेड़ाकू ईंगराः अरोकू अयूमता। ईंग हँकूयिंग सुदीता अरू हँकू इनिंग देह दूरकू वेगता।

एहुना 19:17

हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

रूमी 6:6

अबू मीटोंग कताबू सुसुदीतना, अबूराः जुना जीव ईसू सुदा कुरूसरे ठोंकाव गोएगतो इदा, जेमहा अबूराः कसूर जीव टुटीग जुवाः अरू अबू कसूरराः बोझारे कहियो अलोबू पराः।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

1 कुरिंती 15:31

ने अजी बोपोहकूतिंग, ईंग सगर दिन गुजुःराः दूररेयिंग सेने पारता। मनदो ईंगते अपे परबू ईसू मसीरेपे बिसवासकेरा। हनालगा अपे बदीरे ईंग बहालतेयिंग बड़वारता।

1 कुरिंती 8:13

हनालगा ईंग जोजोम अते वपक बोपोहकूतिंग अते तोनोंगीगिंग एचे कसूरगेय दो ईंग मास कहियो ओरोयिंग जोपेडा।

1 कुरिंती 9:19

ईंग तोनोंगीगरीग बेगारी होड़कू ना लवे। मनदो ईंग जमा होड़कूरीग बेगारी होड़िंग बड़ाँवकिया, जेमहा मुरुक होड़कू ईसू एचेरेकू बिसवास अवेय।

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।

पिलिपी 3:10

ईसू मसी जमालेःआते सुदीगेय लगायिंग चहाःतना। ईसू मसी गोएगतो अते भगवान जियाव रेमतिरिया हना जंगर अटकारगे लगा हों ईंग चहाःतना। अरू ईसू मसी करा इया कटसिया सहावतेडखने गोएगनेना हन, ईंग हों बुझावकियानखन अटकारगे लगायिंग चहाःतना,

पिलिपी 3:7

मनदो ईंग लगा नफा दोहोना, हना जमाकून ईसू मसी लगा नुँहू हनी माःआनिंग ओंगलेतना।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

2 तिसलूनिका 3:11

अले अयुमेतनाले, अपे अते अदोम होड़कू कुड़ही इदानकुःआ। हँकुःआ होड़कू अँननकू अँकूते मेरकू बुताता अरू एटाः होड़कू हों बुता मेरकू बुता ओवाकूता।

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

इबरानी 13:13

दो ईसूकू बेग-हतावातेरा हनानाः बेग-हता सहावकेडखन हाँय एचेरे डेराकून बाहरी अबू हों सेन।

1 पतरस 4:1

ईसू मसी अनँयग देहरे कटसियाय सहावतेरा दो, अपे हों हनानाः ओंगोल इया कटसिया सहाव लगा सपड़ावतोपे दोहोन। तोनोंगीग होड़ भगवानराः ओंगोल इया सलाः अते कटसियाय सहाव दो हाँय कसूरगे लगाय अड़ाःगोडता।

1 पतरस 4:13

मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।

2 पतरस 1:14

हनालगा ईंग ओंगोलरे, ईंग जीयतिंग दोहोनता हना दिन वरी अपेयिंग उहियारगोड ञवन दो, नपाय इदा।

1 एहुना 3:16

ईसू मसी अबू लगाय गोएगनेना अरू अबूय एचे उदुःवाडा करा इया होड़कू अलार-दुलाररे दोहोन इदा। हनन इया अबूरिकुःआ बिसवास वपक बोपोहकू लगा अबू हों अबूराः जीव एएमे इदा।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।