मरकूस 7:9 - Korwa Bible

⁹ ईसू अरू हँकू एचेरेय कतातेरा, “अपे भगवानराः नियमकून चलाःकेडखन अँननपेराः रिती-बिधी सलाव लगा एटाः दूरपे ञामकेरा।

मरकूस 7:9 ပူးပေါင်းရင်းမြစ်များ

मरकूस 7:13

नाःआ इया अपेराः रिती-बिधी होड़कूपे चेडकूता अरू भगवानराः नियमकूनपे चलाःगोडता। अरू अपे नाःआ इयाःआ एटाः एटाःकूनपे एचेयता।”

मरकूस 7:3

(फरीसी होड़कू अरू जमा एहूदाकू अँकूरिकुःआ खुटिपरिया होड़कूराः रिती-बिधी इयाकू सलाःआ अरू हँकूराः रिती-बिधी इया तिःई अरीनकू अचंगगुः वरी हँकू तोनोंगाः जिनिस मेरकू जोमा।

मरकूस 7:5

दो फरीसी होड़कू अरू एहूदा नियम चेडदार होड़कू ईसूरिकुःआ चेलाकू एचेया हनाकू ञेलतेड अरू हाँय एचेरेकू होंबोरतेड, “ने गुरुजी, चिला लगा आमरिकुःआ चेलाकू अबू खुटिपरियारिकुःआ होड़कूराः रिती-बिधी इया मेरकू सलाःतना अरू मइलावतो तिःईतेकू जोमतना?”

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

2 कुरिंती 11:4

तोनोंगीग अपे एचेरे सेनेकियानखन अले परसारकेरा हाँयग ईसू अते एटाः ईसूकू परसार दो, सहे अपे पवावनेना हाँयग सुद बिरुवा अते एटाः इयाःआ बिरुवापे पवाः दो, सहे अपे कबुलावकिया हना नपाय सरवन अते एटाः इयाःआ सरवनपे अयूम दो, अपे हना कताकून ओनोहोनपे मनाव जुवाःता।

गलातिया 1:14

अले एहूदाकूराः रिती-बिधी इया नियम मनाः लगा, ईंग इनिंग घुरी-परी होड़कू अते ओसताजिंग दोहोना।

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

2 तिसलूनिका 2:4

होड़कू, भगवान माःआनकू कतायता अरूकू सेवागेता हना जमाकूने घंटावगेता अरू हाँय कतायता, ईंग जमाकूते मरंग इदानिंगा, माःआन। हाँय भगवानराः ओड़ाःरे दुडुःकियानखन ईंग भगवान हवे, माःआने कतनता।