मरकूस 7:31 - Korwa Bible

³¹ हनते ईसू आँयग चेलाकू सुदा सूर अरू सइदा देस अते उडुंगनेनखन दिकापुलीस राइज पारनेनखन गलीलराः हुडिंग समुंदररेकू सोदोरनेना।

मरकूस 7:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:21

“ने कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो, हँकू ओहेन बोराराः सोनहेकू तुसिंगकेःआ अरू ओबरे दुड़ुःकियानखन कसूर अते जीवकू कुदाकेःआ।

मती ओजाःतेरा भगवानराः नपाय सरवन 4:18

मी दिन ईसू गलीलराः हुडिंग समुंदर धरी धरीय सेन मेला बार होड़ वगीयाकिने ञेलतेरा। मी होड़राः ञाव दोहोना सिमोन अरू हनाँयकू कतावा पतरस। अरू बोहोतराः ञाव दोहोना अंदरियास। दो हँकिन केंवटाकिन दोहोना अरू जालते हकूकू दाःआ।

मती ओजाःतेरा भगवानराः नपाय सरवन 4:25

गलील छतर अरू दिकापुलीस राइज अरू एरुसलेम मरंग सहर अरू एहूदिया छतररिकुःआ होड़कू अरू एरदन नई मार परोमरिकुःआ मुरुक बगरा होड़कू ईसू देह दूरकू ओतोंग वेजेडा।

मरकूस 5:20

दो हाँय तोराय अरू अनँयग देस दिकापुलीसरे ईसू एचेतेरा हना जमाकू एचेरेय कता उदुःतेड अरू जमा होड़कू बयावयानकू।

मरकूस 7:24

हना तयोमरे ईसू गलील छतर अते सूर अरू सइदा छतररे तोराय। हाँय हंडा मीटोंग ओड़ाःरे बोलोयाने अरू तोनोंगीग हाँय अहाकू सुदीगींग माःआने चहाः। मनदो हाँय मेरेय ओको अवेगान।

मरकूस 7:30

दो हाँय ओड़ाः तोराय अरू हाँयग बिटीत खटी डसनारे गेतेगतोय दोहोना अरू हाँय अते भूत उडुंगयाने।