मरकूस 7:24 - Korwa Bible

²⁴ हना तयोमरे ईसू गलील छतर अते सूर अरू सइदा छतररे तोराय। हाँय हंडा मीटोंग ओड़ाःरे बोलोयाने अरू तोनोंगीग हाँय अहाकू सुदीगींग माःआने चहाः। मनदो हाँय मेरेय ओको अवेगान।

मरकूस 7:24 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:21

“ने कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो, हँकू ओहेन बोराराः सोनहेकू तुसिंगकेःआ अरू ओबरे दुड़ुःकियानखन कसूर अते जीवकू कुदाकेःआ।

मती ओजाःतेरा भगवानराः नपाय सरवन 9:28

अरू ईसू ओड़ाःरेय बोलोनेन दो हँकिनाः अंधा होड़किन हाँय एचेरेकिन सेनेडा। दो ईसू हँकिन एचेरेय होंबोरतेड, “अबा ईंग नपाय अवेगोडबाता, माःआन ईंग एचेरेबा बिसवासगेतना जा?” दो हँकिन कतातेड, “हाव परबू।”

मरकूस 2:1

तोनोंग दिन तयोमरे ईसू कपरनहूम सहर अगीय कुदा वेगा। दो हंडाकुःआ होड़कू अयूमतेरा, ईसू अनँयग ओड़ाःरेय सोदोरयना, माःआन।

मरकूस 7:23

नाःआ जमा बेलूरकून होड़कूराः जीव अते उडुंगकियानखनकू मइलाव जुवाःता।”

मरकूस 7:25

हना छतररे मी होड़ अइमी दोहोना। हाँय सूर फिनिका छतररीग बेगर एहूदा होड़े दोहोना। हाँयरीग मी होड़ बिटीत दोहोना, अरू हाँय एचेरे भूत समसावनेना।

मरकूस 7:31

हनते ईसू आँयग चेलाकू सुदा सूर अरू सइदा देस अते उडुंगनेनखन दिकापुलीस राइज पारनेनखन गलीलराः हुडिंग समुंदररेकू सोदोरनेना।

1 तिमुतियूस 5:25

हनन इया होड़कूराः तोनोंग तोनोंग नपाय बुता हों जमा होड़कू सुदीगोडता, मनदो तोनोंगीगराः नपाय बुता मेर सुदी अवेनता हनारे हों हना नपाय बुता मेर ओको अवेनता।