18 दो ईसू हँकू एचेरेय होंबोरतेरा, “अपे मेरपे बुझाःतना जा?
आहते दोंगेरे बोलता हना जिनिसते होड़ मेरेय मइलाःता, मनदो आहराः बड़राते होड़ मइलाव जुवाःता।”
अपे चिला लगा मेरपे बुझाःतना, ईंग अपे एचेरे रुटी बदीरे मेरिंग कतागरा। मनदो अपे फरीसी होड़कू अरू सदूकी होड़कूराः सेबेल सोड़ा अते सवासितीपे दोहोन लगायिंग कताया।”
दो ईसू अरूय कताया, “अपे नाःआ कहड़ीराः मतलोब मेरपे बुझाःतना जा? नाःआ मेरपे बुझाः होले करा उड़ी अपे एटाः कहड़ीकूनपे बुझाः?”
हनते ईसू होड़कू अगीते तोराय अरू मीटोंग ओड़ाःरेय बोलोयान। हाँयरिकुःआ चेलाकू हाँय एचेरे नाःआ कहड़ीराः मतलोबकू होंबोरतेरा।
होड़कू जोमता, हना जिनिसकून हँकूराः जीवरे मेर सेनता, मनदो दोंगेरे सलाव जुवाःता अरू दोंगेते बहरी उडुंग जुवाःता।” (नाःआ बड़रा कता अते ईसू जमा बरानाः जोम जिनिसकून सुद माःआने कतावारा।)
दो ईसू हँकिन एचेरेय कताया, “ने बोको होड़किन, भगवानराः बड़रा कता होड़कू कताया हना जमा बड़रा अबा गते-गातबा बिसवासगेतना जा?
नाःआ अयूमतेडखन ईसू हाँय एचेरेय कताया, “आम इसराएल होड़कूरीग चेडदार होड़ हवे। हनते हों आम नाःआ कताकून मेरेम बुझाःतना जा?
अपे केटेग जिनिसकून इयाःआ चेडतो ओरोपे पसाव अवेकेःआ। हनालगा ईंग दूद इयाःआ रिता चेडतोयिंग चेडतेडपेःआ। अरू अपे नुँहू वरी केटेग जिनिसकून इयाःआ चेडतो पसाव जुकूर अरीनपेःआ।
नाःआ कता बदीरे ककाता लगा मुरुक बड़राकून इदा। मनदो अपे ओहेन ओरोपे अयूम ठुड़ाव अवेतेरा। हनालगा अपे कता बुझावपे लगा मसकिल इदा।
