मरकूस 3:7 - Korwa Bible

⁷ हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।

मरकूस 3:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:23

अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।

मती ओजाःतेरा भगवानराः नपाय सरवन 12:15

दो ईसू नाःआ कताय सुदीगोतेड अरू हाँय हंडाते एटाः ततेर तोराय। अरू मुरुक बगरा होड़कू हाँय देह दूरकू ओतोंग वेगा अरू हाँय हँकुःआ जमा होड़कू अँकूराः बेमरियातेय नपायतेडकुःआ।

मती ओजाःतेरा भगवानराः नपाय सरवन 12:16

हनते हाँय हँकूय सेतावतेडखने कताया, “अपे ईंग बदीरे तोनोंगीग एचेरे अहापे कता उदुःगे।”

मती ओजाःतेरा भगवानराः नपाय सरवन 4:25

गलील छतर अरू दिकापुलीस राइज अरू एरुसलेम मरंग सहर अरू एहूदिया छतररिकुःआ होड़कू अरू एरदन नई मार परोमरिकुःआ मुरुक बगरा होड़कू ईसू देह दूरकू ओतोंग वेजेडा।

मरकूस 1:39

दो ईसू गलील छतरराः एटाः सहरकूनरे सेन घड़ीन हँकूराः अरजी ओड़ाःकूनरे परसार इदीःआ अरू होड़कू अते भूतकू होंय उडुंग इदीया।

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 3:20

हनते ईसू मीटोंग ओड़ाःरेय बोलोनेना। हंडा हों मुरुक होड़कू जुमावनेना अरू ईसू अरू आँयगरिकुःआ चेलाकू जोम लगा हों मेरकू अवेया।

मरकूस 4:1

एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना।

लूका 23:5

मनदो हँकू अरूकू कताया, “नाँयग होड़ एहूदिया राइजरिकुःआ जमा होड़कू नाँयराः बड़रातेकू बहकाःतना। नाँय बहकाव बहकाव गलील छतर अते मरंग सहर एरुसलेम वरी होंय सोदोरयना।”

लूका 6:12

तोनोंग दिन तयोमरे ईसू पहाड़ अगी अरजी लगाय सेनेडा अरू हाँय अंगुः वरी भगवान एचेरेय अरजीःआ।

लूका 6:17

ईसू हना तयोमरे पहाड़ अते आँयगरिकुःआ मूक चेलाकू सुदाय उतराव वेजेडा अरू मुरुक बगरा चेलाकू सुदा डंडहारेकू चड़ाँनेन। एहूदिया छतररिकुःआ अरू एरुसलेम सहररिकुःआ अरू सूर अरू सइदा सहररिकुःआ मुरुक होड़कू हों हंडाकू वेजेडा।

एहुना 7:41

एटाः होड़कू कताया, “नाँय दो मसी हवे।” मनदो एटाः होड़कू कताया, “बुरी, मसी गलील छतर अतेय वेगता जा?

एहुना 7:52

दो हँकू डंटावतिडिगखनकू कतातेरा, “आम हों गलील छतररीग हवे जा? आम भगवानराः कगदरेम ञाम अरूम सुदीगोडता तोनोंगीग भगवानराः बड़रा कता होड़ गलील छतर अते मेरेय वेगता, माःआन।”

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।