मरकूस 2:20 - Korwa Bible

²⁰ मनदो मी दिन बरबाबू हँकू अते रेनहाकू गोःगेयता। दो हनमेला हँकू उपासकू दोहोनता।”

मरकूस 2:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:31

हनते ईसू हँकू एचेरेय कताया, “भगवानराः कागदरे नाःआ इया ओजाःतो इदा, ईंग सरवाहा होड़िंग ञेड एंडाता, अरू भेड़ाकू सितिर-बितिर जुवाःताकू। हनालगा अपे जमा होड़कू ईंग अड़ाःकेडखन तिसिंग रइतपे सलाव जुवाःता।

मती ओजाःतेरा भगवानराः नपाय सरवन 9:15

दो ईसू हँकू एचेरेय कतातेरा, “बरबाबू सुदाकू दोहोनता हँकुःआ बरतियाकू चिला लगाकू फिकिराःआ? मनदो तोनोंग दिनरे बरबाबू हँकू अतेकू गोःगेयता, दो हनमेला हँकू उपासरेकू दोहोनता।”

मरकूस 2:19

दो ईसू हँकू एचेरे मीटोंग कहड़ीय कतातेरा, “बरवा सुदाकू दोहोनता हँकुःआ बरतिया होड़कू करा उड़ी उपासकू दोहोन? हँकू सुदा बरबाबू दोहोनता हना वरी हँकू ओरोकू उपासनेना।

मरकूस 2:21

ईसू अरू मीटोंग कहड़ी हँकू एचेरेय कता उदुःगेःआ, “तोनोंगीग होड़ जुना सोनहेरे नँवा सोनहेराः चिरकूट ओरोय सोःतेरा। नान उड़ीय एचेय दो नँवा सोनहे, जुना सोनहे ओरगोडता अरू मड़ंगते बनागरा हिराः जुवाःता।

लूका 17:22

हनते ईसू चेलाकू एचेरेय कताया, “मनुवारीग बेटातराः मी दिन ञेल लगा अपे चहाःता हना दिन निचकाःतना, मनदो हना अपे ओरोपे ञेल अवेतेरा।

लूका 5:35

मनदो बरबाबू सउंगताकू अतेकू एटाःगोडेयता, हना दिन वेगता। दो हननमेला हँकू उपासकू दोहोनता।”

एहुना 12:8

गरीब होड़कू अपे एचेरे सगर बेलाकू दोहोनता, मनदो ईंग अपे सुदा सगर दिन ओरोयिंग दोहोनेना।”

एहुना 13:33

ने ईंगरिकुःआ लइंकू, गुनहोन बेला वरी अपे सुदायिंग दोहोनता। अपे ईंगपे ञामता, अरू ईंग एहूदा मूक होड़कू एचेरेयिंग कतातेरा हनन इया अपे एचेरे होयिंग कतायतना, ईंग सेनता हना ततेररे अपे ओरोपे सेने अवेतेरा।

एहुना 16:28

ईंग अपांग अगीते नाःआ चउंदीसरेयिंग वेगकिया। ईंग नाःआ चउंदीस अड़ाःकेडखन ईंग अपांग एचेरे अरूयिंग सेनता।”

एहुना 16:7

मनदो अपे एचेरे ईंग मीटोंग सताय कतायिंग कतायतना, ईंग सलाःतना दो, अपे लगा नफा होयाःता। ईंग मेरिंग सेन दो संघरादार अपे एचेरे ओरोय वेजेडा। मनदो ईंग सेन दो, हाँय अपे एचेरेयिंग वारगोडेयता।

एहुना 17:11

ईंग नाःआ चउंदीसरे ओरोयिंग दोहोनेना मनदो नँकू चउंदीसरेकू दोहोनता अरू ईंग आम एचेरेयिंग सेनता। ने सुद अपांग भगवान, अलंग मिनी इदानलंगा, हनन इया हँकू हों मिनीकू दोहोन लगा ईंगमे एमेवातेरा अनमराः ञावराः जंगरते हँकूम बनसावगोड ञवन।

एहुना 17:13

नुँहू ईंग आम एचेरेयिंग सेनता। नँकुःआ होड़कू इनिंग इया बहालतेकू दोहोन लगा चउंदीसरे दोनोहोन मेलायिंग अरजीतना।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

मूक चेलाकू 1:9

हाँय नाःआ बड़रा कनाता कताय तयोमरे, हँकुःआ होड़कू मड़ंग अते सेरमो अगी भगवान हाँये रेम गोःतेरा अरू हँकू हाँय ञेनेल ञेलरे बदरीरेकू ञेल केड़ेगोतेडिग।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

2 कुरिंती 11:2

भगवान अपे बदीरेय ओंगलेता हनन इया ईंग अपे बदीरेयिंग ओंगलेतना। ईंग अपे मिनीटोंग मरद, मसी सुदायिंग मंगा-बरागोतेडपेःआ, जेमहा अपे सुद डिंडा धंगड़ी इया मसी एचेरेयिंग जिमा अवेपे।

2 कुरिंती 11:27

ईंग मुरुकिंग मिहनइतगेःआ अरू कटसियायिंग परावनेना अरू रइत रइत मेरिंग अपीगा। रंगेगतो अरू ततंगतोयिंग दोहोना अरू घड़ी घड़ी बेगर जोमतेयिंग दोहोना। ईंग ररंगिंगा अरू डेंडलेयिंग दोहोना।

2 कुरिंती 6:5

होड़कू अले गुरुंदतेकू ञेडतेडलेःआ अरू जेहेलरेकू सींगतेडलेःआ अरू अले बदीरेकू हलो-गदोड़िःआ। अले मुरुकले मिहनइतगेःआ अरू तोनोंग रइतरे बेगर अपीगते अरू रंगेगतेले दोहोना।

उदुःतो कताकून 19:7

दोबू अबू बहालते, भबराः घड़ीन हाँयबू जाग। भेड़ा होनराः बियाह निचकाःतना। अरू हाँयरीग कनिया सपड़ावतो इदानिया। हनालगा हाँयबू जागता।

उदुःतो कताकून 21:9

हनते सातगोटोंग हइजा पेरेगतो सातगोटोंग डुबहाकून साबतो सेरमो देसरिकुःआ बराहीलकू अते मीटोंग बराहीलिंग ञेलतेरा। हाँय ईंग एचेरे वेजेडखने कतातेरा, “दोमे, ईंग भेड़ा होनरीग कनियायिंग उदुःवामता। हाँय हनाँयगरीग एराते होयाःता।”