मरकूस 2:13 - Korwa Bible

¹³ हनते ईसू हुडिंग समुंदर धरीरे अरूय सेनेडा। हनमेला मुरुक होड़कू ईसू एचेरेकू वेजेडा अरू हाँय हँकूय चेडा।

मरकूस 2:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 13:1

हनानाः दिन ईसू ओड़ाः अते उडुंगनेनखन हुडिंग समुंदर धरीरेय दुड़ुःनेना।

मती ओजाःतेरा भगवानराः नपाय सरवन 9:9

दो ईसू सेन मेला मती ञावीग मलगुजारी गोः होड़, मलगुजारी गोः लगा दोफा दूर कुटीरे दुड़ुःतो ञेलतिडिगखन हाँय एचेरेय कतातेड, “ओतोंग वेगमे।” अरू हाँय रेमनेनखन ईसू देह दूर तोराय।

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 10:1

हनते ईसू कपरनहूम सहर अते एहूदिया छतरराः सियाँ सरहद होरते एरदन नई मार परोमरेय सेनेडा अरू मुरुक बगरा होड़कू हाँय एचेरेकू जुमावनेना। हनमेला ईसू हँकुःआ होड़कू, हाँय मड़ंगे चेडा हना इयाय चेडकुःआ।

मरकूस 2:2

दो हंडा मुरुक बगरा होड़कू जुमावनेना, जेमहा ओड़ाः अते दुवार वरी हों ततेर मेर दोहोगान। अरू ईसू भगवानराः सरवन पना पपरसार मेला,

मरकूस 4:1

एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना।

लूका 19:48

मनदो जमा होड़कू ईसूराः कता नपायतेकू अअयूमा। हनालगा हँकू तोनोंगाः एचे लगा दोंग मेरकू ञाम अवेगाड।

लूका 21:38

अंगुः निंदावा मुरुक बगरा होड़कू ईसूराः बड़रा अयुमे लगा भगवानराः ओड़ाःरे हाँय एचेरेकू वेगा।