मरकूस 16:9 - Korwa Bible

⁹ [तोनोंग बेला तयोमरे हनानाः दिन अनंगुः निंदावा बेला ईसू जियाव रेमनेनखन मगदलियायिन मरियम एचेरे अनँयग एचे ञेलयान। ननाँयग मरियम अते ईसू मड़ंगरे सातगोटोंग भूतकूय एचे उडुंगतेरा।

मरकूस 16:9 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:56

हँकुःआ अइमीकू अते मगदलियायिन मरियम, एकूब अरू ओसेसरीग एंगात मरियम अरू जबदीरिकिनाः बेटाकिनरीग एंगात होंकू दोहोना।

मरकूस 15:40

मुरुक बगरा अइमीकू तोरेते ईसूकू ञेञेला। हँकू अते मगदलियायिन मरियम, हुडिंगीग एकूब अरू ओसेसरीग एंगात मरियम अरू सलोमी दोहोना।

मरकूस 15:47

मगदलियायिन मरियम अरू ओसेसरीग एंगात मरियम ञेञेलाकिन हाँय करेकू मंडावकिरिया।

मरकूस 16:8

हँकू बोरतेकू एकलाःआ अरूकू बयावयान। हनालगा हँकू लात मड़गट अते उडुंगनेनखनकू ञीरयान। हँकू मुरुककू बोराः। हनाते तोनोंगीग एचेरे कही माःआन मेरकू साला।

लूका 24:10

हँननकुःआ अइमीकू मगदलियायिन मरियम, एउनी, एकूबरीग एंगात मरियम अरू एटाः तोनोंग तोनोंग अइमीकू हों दोहोना।

लूका 8:2

ईसू भूतकूय उडुंगतेरा अरू बेमारीतेय नपायतेडकुःआ, हँकुःआ अदोम अइमीकू हों ईसू सुदाकू सेनेडा। हँकू अते मी होड़ मगदलियायिन माःआनकू कतावाया हाँयग मरियम दोहोना। नाँयग मरियम अते, मड़ंग ईसू सातगोटोंग भूतकूय उडुंगोतेरा।

एहुना 20:12

दो हंडा उजड़ सोनहे तुसिंगतो बार होड़ सेरमो देसरिकिनाः बराहीलकिन, ईसूराः मुरदाकू मंडावतेरा हंडा मी होड़ बोः अगी अरू मी होड़ काट अगी दुड़ुःतोकिन दोहोना।

मूक चेलाकू 20:7

हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

1 कुरिंती 16:2

जमा हपताराः मड़ंग दिन एतवार दिन अपेराः आन-धान अते हुडिंग हुडिंगपे बनसाव दोहोगे। दो ईंग अपे एचेरेयिंग सेन, हनमेला ईंगके बिहिरी उउतराव ओरो परावनेना।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,