मरकूस 16:7 - Korwa Bible

⁷ मनदो अपे सेनेवाडखन पतरस अरू हाँयगरिकुःआ एटाः चेलाकू एचेरेपे कताय, ईसू जियाव रेमकिया अरू हाँय अपे अते मड़ंग गलील छतररेय सेनता। अपे एचेरेय कतातेरा हनन इया हाँय हननंडापे ञेलेयता, माःआन।”

मरकूस 16:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:32

मनदो ईंग जियाव रिमुः हना तयोमरे अपे अते मड़ंग गलील छतरिंग सेनता।”

मती ओजाःतेरा भगवानराः नपाय सरवन 28:10

हनते ईसू हँकिन एचेरेय कतातेड, “अबा अहाबा बोर। ईंगरिकुःआ अजी बोपोहकूतिंग एचेरेबा सेन अरूबा उदुःवाकू, अपे गलील अगीपे सेन। हंडा ईसूपे ञेलता, माःआन।”

मती ओजाःतेरा भगवानराः नपाय सरवन 28:7

हनते ओहेनबा सेन अरू हाँयरिकुःआ चेलाकू एचेरेबा कता उदुःगे, ईसू गोएगतो होड़कू अतेय जियाव रेमकिया, माःआन। अरू हाँय अपे अते मड़ंग गलील छतर अगीय सेनतना। हंडा हाँयपे ञेलेयता। ईंग कताकेरा हना कतापे उहियार।”

मरकूस 14:28

मनदो ईंग जियाव रिमुः हना तयोमरे अपे अते मड़ंग गलील छतरिंग सेनता।”

मरकूस 14:50

नाःआ अते जमा मूक चेलाकूतेन ईसू अड़ाःतिरिगखनकू ञीरयान।

मरकूस 16:8

हँकू बोरतेकू एकलाःआ अरूकू बयावयान। हनालगा हँकू लात मड़गट अते उडुंगनेनखनकू ञीरयान। हँकू मुरुककू बोराः। हनाते तोनोंगीग एचेरे कही माःआन मेरकू साला।

एहुना 21:1

हना तयोमरे ईसू तिबिरियास समुंदर धरीरे चेलाकू मड़ंगरेय एचे ञेलयान। अरू हाँय नाःआ इयाय एचे ञेलनेना।

मूक चेलाकू 13:31

अरू हाँय सुदा गलील छतर अते, एरुसलेम सहर वरीकू वेजेडा हँकुःआ होड़कू एचेरेय, एचे ञेलयान। दो नुँहू हँकुःआ होड़कू, अबूरिकुःआ होड़कू एचेरे हाँयरिकुःआ हिदइतदार इदानकुःआ।

1 कुरिंती 15:5

अरू हाँय मड़ंग कइपा एचेरेय एचे ञेलनेना। हना तयोमरे बारहो मूक चेलाकूतेन एचेरेय एचे ञेलनेना।

2 कुरिंती 2:7

दो नुँहू हाँय अनँयगराः गारबारे कबुलावनेना। हनालगा अपे हाँयराः गारबार अपेराः ओंगोलतेपे बराव एंडागोड अरू हाँयराः जीवपे हड़ियाड़गोड, जेमहा हाँय मुरुक बगरा अलोय अदरुजीन।