37 दो ईसू मुरुक सटीते खिररी घड़ीन मिनी तुरहाय सहेडतेरा।
दो ईसू मुरुक सटीते खिररीनेनखन अनँयगराः हनसा भगवान एचेरेय जिमागोतेड।
अरू मी होड़ बतकाव सेनेडखन अंबटयान हना अंगूर रसरे रुवाय जोबरावतेडा अरू मीटोंग सरपीरे गुतू रहावतेडखन ईसूय एचे सुहावतेरा। हाँय कताया, “रहापे, ञेलेयताबू इलियाह नाँय उतरावगेय लगाय वेगताय जा ओरो।”
अरू ईसू खिररीनेनखने कताया, “ने अपांग, ईंग बिरुवा आम एचेरेयिंग जिमायतना।” अरू नाःआ कतावाडखन हाँय मिनी तुरहाय सहेडतेरा।
दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।
ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।
