मरकूस 15:21 - Korwa Bible

²¹ कुरेन सहररीग सिमोन ञावीग मी होड़ होड़ दोहोना। हाँय सिकंदर अरू रुपूसरीग अपात दोहोना। ईसूकू गोःआ हनमेला हाँय तोनोंग गाँव अते वेग मेलाय सेने पारा। दो सइना होड़कू, ईसूराः कुरूस हाँय रेनहाकू एचे साबतिरिया।

मरकूस 15:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:32

दो सइना होड़कू हना सहर बहरी ईसूकू गोः मेला, हँकू कुरेन सहररीग सिमोन ञावीग मी होड़ होड़ सुदाकू जुमावनेना अरू हाँय ईसूराः कुरूस रेम लगाकू रेनहातिडिया।

मती ओजाःतेरा भगवानराः नपाय सरवन 5:41

अरू तोनोंगीग होड़ संघरा पवाः लगा अपे मी कोस रेनहाकेडपेखने गोःयापे दो, हाँय सुदा अरू मी कोसपे सलाव जुवाः।

मरकूस 15:20

हाँयकू लंदावातिरिया हना तयोमरे हाँय अते हाँयकू तुसिंगतिरिया हना धुः-धुमइल रंगाः झोलोंगतो सोनहे एचे तोलेगतेडखन अनँयगराः सोनहेकू एचे तुसिंगतिरिया अरू हाँय कुरूसरे ठोंकाव गोएगगेय लगा राजाराः गड़ही अते एरुसलेम सहर बहरीकू गोःयाडीग।

लूका 14:27

अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।

लूका 23:26

दो हँकू ईसू ठोंकाव गोएग एंडागेय लगाकू गोःयाडीग। हनमेला कुरेन सहररीग सिमोन एरुसलेम मरंग सहर अगीय वेगा। हँकू हाँयग सिमोन साबतिरिगखन ईसू गोगोःआ हना कुरूस हाँयकू एचे दोहेँतिरिया अरू हाँय ईसूराः तयोम तयोमे सेना।

एहुना 19:17

हनते हँकू ईसूकू गोःयाडीग अरू हाँय अनँयग कुरूस रेमतेडखन एरुसलेम सहर अते इबरानी भासीरे गुलगुता माःआनकू कतावाता, हना बोः खुरपीराः ततेर अगीय सेनेडा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

मूक चेलाकू 2:10

अरू पुरगिया राइजरिकुःआ अरू पंपुलिया राइजरिकुःआ अरू मिसिरी देसरिकुःआ अरू कुरेन सहरते लेसानाः लिबिया देसरिकुःआ, नाःआ जमा देसरिकुःआ होड़कू; रूमी मरंग सहर अतेकू वेगकिया हँकुःआ गुतियाकू,

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

रूमी 16:13

परबू सुनावकिरिया हाँयग होड़ रुपूस अरू हाँयरीग एंगात ईंगरीग अया इया इदानिया, हँकिन बना होड़ ईंग अगीतेपे सलामगोडकिन।