मरकूस 14:20 - Korwa Bible

²⁰ हनते ईसू हँकू एचेरेय कतातेड, “ईंग सुदा छिपीराः सुरुवारे रुटी लोटाव घड़ीने जोमतना हनाँय अपे बारहो होड़कू अते मी होड़ हवे।

मरकूस 14:20 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:23

हनते ईसू हँकू एचेरेय कता कुदातेरा, “ईंग सुदा छिपीराः सुरुवारे रुटी लोटाव घड़ीने जोमतना, हनाँय ईंगे एचे साबता।

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मरकूस 14:19

दो हँकुःआ मूक चेलाकूतेनराः जीव हुडिंगयान अरू मेमेड होड़ मेमेड होड़ ईसूकू होंबोरा, “हाँयग होड़ ईंग हवे जा?”

मरकूस 14:21

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता, हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

मरकूस 14:43

ईसू कनताय कताय मेला बारहगोटोंग मूक चेलाकू अते मी होड़े दोहोना, हाँयग जूदा वेगनेना। मरंग पुजउरीकू अरू नियम चेडदार होड़कू अरू इसराएलरिकुःआ मूक होड़कू हों आँयग सुदा मुरुक बगरा होड़कूय अगू सोदोरतेरा। हँकुःआ होड़कू तलवइरकून अरू हापकून साबतेडखनकू वेजेडा।

लूका 22:47

ईसू चेलाकू सुदा बुनुतुड़ुःआय मेला मुरुक बगरा होड़कू हंडाकू जुमावयान। दो बारहगोटोंग चेलाकूतेनरे जूदा ञावीग चेला हँकुःआ होड़कू मड़ंग मड़ंगे वेगनेना। अरू हाँय ईसू अंजोडतिरिगखने सलामतिरिया।

एहुना 13:26

दो ईसू हाँये उदुःवातेरिया, “डुंडीगतो रुटी झोड़रे जोबरावकेडखन ईंग एमेवायता हाँयग होड़, हनाँय हवे।” अरू हाँय डुंडीगतो रुटी झोड़रे जोबरावकेडखन सिमोनरीग बेटात जूदा इसकरियोतीय एमेवातेरा।

एहुना 6:71

(ईसू बारहो मूक चेलाकू अते मी होड़ सिमोन इसकरियोतीरीग बेटात जूदा बदीरेय कतातेरा। अरू हाँय तयोमरे ईसूय एचे साबतिरिया)।