मरकूस 14:2 - Korwa Bible

² मनदो हँकू कताया, “होड़कू एचेरे तोनोंग इयाराः हलो गदोड़ी अहा होयाः। हनालगा परोबराः दिनरे हाँय अलोबू एचे सबेय।”

मरकूस 14:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:2

“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”

मती ओजाःतेरा भगवानराः नपाय सरवन 26:5

मनदो हँकू कता होड़ेंगा, होड़कू एचेरे तोनोंग इयाराः हलो-गदोड़ी अलो होयाः। हनालगा परोबराः दिनरे हाँय अलोबू एचे सबेय।

मरकूस 11:18

ईसूराः चेड अयूम घड़ीन जमा होड़कू बयाव जुवाःआ। हनालगा मूक पुजउरीकू अरू नियम चेडदार होड़कू ईसू मुरुककू बोरोवाया अरू हाँय ञेड एंडागेय लगा हाँयराः कसूरकू ञामा।

मरकूस 11:32

मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

मरकूस 14:1

बार दिन तयोमरे पसहा परोब अरू रुटीराः परोब निचकाःआ। मरंग पुजउरीकू अरू नियम चेडदार होड़कू ईसू कलेकाल एचे साबकिडिगखन ञेड एंडागेय लगाकू ओंगलेःआ।

मरकूस 14:3

बेतनिया गाँवरे सिमोन ञावीग मी होड़ होड़ दोहोना। हाँय मड़ंगरे कुड़गा होड़े दोहोना। आँयग ओड़ाःरे जोजोम लगा ईसू दुड़ुःनेना। दो मी होड़ अइमी मुरुक सुघर दिरिराः बोतोलरे मुरुक किमइतराः अरू नपाय महका हना जटामसी सुनुमे अगूतेरा। अरू हाँय बोतोल राबतेडखन हना सुनुम ईसू बोःरेय दूलगोतेड।

लूका 20:6

मनदो मनुवाकू होरते माःआनबू कताय दो जमा होड़कू सुसुदीतनाकू, एहुना भगवानराः बड़रा कतायीग होड़ हवे, माःआन अरू हँकू अबू दिरिकूनतेकू तेके ञेड एंडागोडबूता।”

लूका 22:1

पसहा परोब माःआनकू कतावाता एहूदाकूराः रुटीराः परोब निचकाःआ।

एहुना 12:19

दो फरीसी होड़कू अँननकू अँकू कता होड़ेंगा, “ञेलकूपे, मुरुक होड़कू हाँय देह दूरकू ओतोंगतना अरू अबू कहिसाः मेरबू एचे अवेता।”

एहुना 7:40

हना कता अयूमकेडखन अदोम होड़कू कताया, “सतायरे, भगवानराः बड़रा कतायीग होड़ बदीरे मड़ंगरेकू कतातेरा, हाँयग होड़ ननाँय हवे।”