मरकूस 13:11 - Korwa Bible

¹¹ अपे दरबाररेकू साब इदीपेता हनमेला अपे अलोपे ओंगोल दोहोगे, ईंग चेले माःआनिंग कतायता। हनमेला भगवान उदुःवापेता हना कतापे बड़रा। अपे कतायता हना अपेराः बड़रा ओरो दोहोनेना, मनदो सुद बिरुवाराः बड़रा दोहोनता।

मरकूस 13:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मरकूस 13:12

वगात अनँयग बोहोत अरू अपात अनँयग बेटा ञेड एंडा लगाकू इदीता। लइंकू अँननकूरिकुःआ एंगात अपातकू हिनइस-बिनइसवाता अरू हँकूकू एचे ञेड गोएगगोडकूता।

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

लूका 21:12

नाःआ जमा होयाः अते मड़ंग ईंग बदीरे होड़कू अपेकू साबता अरूकू संतावपेता। अपे पंचाइतरेकू जिमापेता अरू जेहेलरेकू एचे सींगपेता अरू राजाकू अरू हातपात होड़कू मड़ंगरेकू एचे चड़ाँपेता।

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

मूक चेलाकू 3:13

इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

मूक चेलाकू 6:10

मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।

मूक चेलाकू 6:15

हनमेला मरंग पंचाइतरेकू दुड़ुःनेना, हँकुःआ जमा होड़कू इसतपनूसकू कोबोःआ अरू इसतपनूसराः सुरइत सेरमो देसरीग बराहीलराः सुरइत इयाकू ञेलतेरा।

मूक चेलाकू 7:55

मनदो इसतपनूस, भगवानराः सुद बिरुवाते पेरेगनेनखन सेरमो अगीय संगीलतेरा। दो हाँय भगवान अगीतेःआ मरसले ञेलतेरा अरू ईसू भगवानराः खउना गतर चड़ाँतेय ञेलतिरिया।

1 कुरिंती 2:13

अरू ननानाः कता बदीरेले चेडपेता, अरू नाःआ चेड, होड़कूराः कनहून इया कोवानेःआ, मनदो सुद बिरुवातेले चेडकिया। अले सुद बिरुवा पवावतो होड़कू एचेरे सुद बिरुवाराः दहिन बदीरेले कता उदुःगेता।

इपीसी 3:5

भगवान नाःआ कता मनाड़ंग जूगरिकुःआ तोनोंगीग होड़ एचेरे मेरेय एचे उदुःगाड। मनदो नुँहू सुद बिरुवाते भगवानरिकुःआ बड़रा कता होड़कू अरू सुद मूक चेलाकू एचेरेय एचे उदुःगोतेडा।

एकूब 1:5

मनदो अपे अते तोनोंगीग ओंगलेतना, ईंग एचेरे गुनमिन कनहून इदा, माःआन दो हाँयके भगवान एचेरे अअसे लगा इदा अरू भगवान हाँयग होड़ लगा कनहूने एमेयता। अरू भगवान अनँयग एचेरेकू असेयता हँकुःआ होड़कू लगा मिनी जीवकियानखन बेगर कदरावतेय एनेमेवायता।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।