मरकूस 12:9 - Korwa Bible

⁹ हनते ईसू होंबोरतेड, “अपे चेले माःआनपे ओंगलेता, अंगूर बगइचारीग मालिक हँकू करा इयाय करेगकूता? हाँय वेगकियानखन अधियादारकूय ञेड एंडाकूता अरू हना अंगूर बगइचा एटाः होड़कूय ओवागोडकूता।

मरकूस 12:9 ပူးပေါင်းရင်းမြစ်များ

मती ओजाःतेरा भगवानराः नपाय सरवन 12:45

हनते हाँय सेनेवाडखन हाँय अते, अरू बेलूर बेलूर सातगोटोंग भूतकूय अगूता अरू हाँयग होड़ एचेरेकू समसाव जुवाःता। हनते हाँयग होड़राः जीव मड़ंग अते अरू बेलूर जुवाःता। ननानाः इया नाःआ जूगरिकुःआ बेलूर होड़कूराः जीवरे होयाःता।”

मती ओजाःतेरा भगवानराः नपाय सरवन 21:34

हनते जोःराः बेला सोदोरनेन दो हाँयग मालिक अधियादारकू एचेरे आँयग बंटा अगू लगा हड़वाहाकूतेने वारगोतेडकू।

मती ओजाःतेरा भगवानराः नपाय सरवन 21:43

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।

मती ओजाःतेरा भगवानराः नपाय सरवन 22:7

हनते राजा रीस भीकयान अरू हाँय अनँयगरिकुःआ सइना होड़कूतेन वारतेडखन, सेवकिया होड़कूकू ञेड एंडातेरा हँकुःआ होड़कूय, एचे ञेड एंडागोतेडकू अरू हँकूराः सहरे एचे बाल लो एंडागोतेड।

मरकूस 12:10

अपे भगवानराः कागदरे नाःआ कता मेरपे बछावगना जा, ओड़ाः तुला मिसतिरीकू ओरो बड़ाँवनेना, माःआनतेकू चलाः एंडातेरा, हनानाः दिरि जमा दिरिकून अते ननपाय दिरि होयानेना?

मरकूस 12:8

अरू हँकू हाँय साबतिडीगखनकू ञेड गोएग एंडागोतेडीग अरू हाँयराः मुरदा अंगूर बगइचाराः बहरीकू तेके एंडागोतेड।”

लूका 19:27

हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

रूमी 10:20

तयोमरे भगवानराः बड़रा कतायीग होड़ एसयाह बेगर बोरते भगवान लगाय कता उदुःतेरा, “ईंग मेरकू ञामगिंगा, हँकुःआ होड़कू ईंगकू पवावयान अरू ईंग मेरकू होंबोरगिंगा हँकुःआ होड़कू ईंग एचे उदुःवातेडकुःआ।”