मरकूस 12:37 - Korwa Bible

³⁷ दनाऊद राजा हाँय, परबू माःआने कतावायता दो हाँयरीग नइड़-बाँस बेटात करा उड़ीय होयाः?” हंडाकू दोहोना हँकुःआ मुरुक बगरा होड़कू हाँयराः कता मुरुक बहालतेकू अयुमेःआ।

मरकूस 12:37 ပူးပေါင်းရင်းမြစ်များ

मती ओजाःतेरा भगवानराः नपाय सरवन 1:23

“मी होड़ डिंडा धंगड़ी भरी-पाव जुवाःता, अरू हाँय मी होड़ हेरेल होने हेवेगेयता। अरू हाँयराः ञाव दोहोनता, इमानुएल।” अरू हनाराः मतलोब नाःआ हवे, भगवान अबू सुदा इदानिया, माःआन।

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मती ओजाःतेरा भगवानराः नपाय सरवन 11:5

अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रिमुःतना अरू गरीब होड़कू एचेरे नपाय सरवनकू परसारगेतना।

मती ओजाःतेरा भगवानराः नपाय सरवन 21:45

मरंग पुजउरीकू अरू नियम चेडदार होड़कू ईसूराः नाःआ अउल-तउल कहड़ीकू अयूमतेडखनकू सुदीगोतेड, नाँय अबू बदीरेय कतायतना, माःआन।

मती ओजाःतेरा भगवानराः नपाय सरवन 21:46

अरू हँकू हाँय सबेय लगा दोंगकू ञामा। मनदो होड़कू हाँय भगवानराः बड़रा कतायीग होड़ माःआनकू मनवेया। हनालगा हँकू होड़कूकू बोरोवाःआ।

लूका 19:48

मनदो जमा होड़कू ईसूराः कता नपायतेकू अअयूमा। हनालगा हँकू तोनोंगाः एचे लगा दोंग मेरकू ञाम अवेगाड।

लूका 21:38

अंगुः निंदावा मुरुक बगरा होड़कू ईसूराः बड़रा अयुमे लगा भगवानराः ओड़ाःरे हाँय एचेरेकू वेगा।

एहुना 12:9

ईसू हंडा इदानिया माःआन मुरुक एहूदाकू सुदीतेरा अरूकू वेजेडा। हँकू गोएगतो अते ईसू जियाव रेमतिरिया, हाँयग लाजर ञेल लगा होंकू वेजेडा।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

उदुःतो कताकून 22:16

ईंग ईसू, आम नाःआ कताकून जमा कलसियारिकुःआ होड़कू एचेरेम कता उदुः लगा, ईंगरीग बराहील आम एचेरेयिंग वारकिरिया। ईंग दाऊद राजारीग डइड़-पखुड़ा अरू नइड़-बाँस होड़ हवे, अरू ईंग टेडेगता हाँयग अंगुः इपील हवे।”