मरकूस 12:12 - Korwa Bible

¹² मूक पुजउरी अरू नियम चेडदार होड़कू अरू एहूदा मूक होड़कू सुदीगोतेडकू, ईसू अबू बदीरे नाःआ कहड़ीय कताकेरा, माःआन। हनालगा हँकू हाँय साबगेय लगाकू ओंगोलतेरा। मनदो हँकू ईसू साब अते होड़कूकू बोरोवाःआ अरू हँकू हाँय अड़ाःवडीगखन तोराकू।

मरकूस 12:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:26

अरू जमा होड़कू एहुना भगवानराः बड़रा कतायीग होड़ माःआनकू मनवेयता। हनालगा हाँय होड़कू अगीते हातपाते पवावकिया, माःआनबू कताय दो, अबू नँकुःआ होड़कूबू बोरोवाता।”

मती ओजाःतेरा भगवानराः नपाय सरवन 22:22

नाःआ अयूमतेडखन हँकू मुरुककू बयावयान अरू ईसू अड़ाःतेडखन एटाः अगी तोराकू।

मरकूस 11:18

ईसूराः चेड अयूम घड़ीन जमा होड़कू बयाव जुवाःआ। हनालगा मूक पुजउरीकू अरू नियम चेडदार होड़कू ईसू मुरुककू बोरोवाया अरू हाँय ञेड एंडागेय लगा हाँयराः कसूरकू ञामा।

मरकूस 11:32

मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

लूका 20:6

मनदो मनुवाकू होरते माःआनबू कताय दो जमा होड़कू सुसुदीतनाकू, एहुना भगवानराः बड़रा कतायीग होड़ हवे, माःआन अरू हँकू अबू दिरिकूनतेकू तेके ञेड एंडागोडबूता।”

एहुना 7:25

हनते एरुसलेमरिकुःआ होड़कू अते अदोम होड़कू होंबोरतेरा, “ञेड एंडाय लगाकू ओंगलेतना हाँयग होड़ ननाँय हवे जा?

एहुना 7:30

हनते एहूदाकूरिकुःआ मूक होड़कू ईसू साबगेय लगाकू ओंगोलतेरा। मनदो हाँय साबराः बेला मेर होयागान, हनालगा तोनोंगीग मेरकू साब अवेगडीग।

एहुना 7:44

अदोम होड़कू ईसू साब लगा होंकू ओंगोलतेरा, मनदो तोनोंगीग होड़ हाँय मेरकू साब अवेगडीग।