मरकूस 11:33 - Korwa Bible

³³ हनते हँकुःआ होड़कू ईसू एचेरेकू कताया, “अले मेरले सुदीयतना।” दो ईसू कताया, “नाःआ बुता चिला हातपाततेयिंग एचेयतना, हना हों ओरोयिंग उदुःवातेडपेःआ।”

मरकूस 11:33 ပူးပေါင်းရင်းမြစ်များ

मती ओजाःतेरा भगवानराः नपाय सरवन 15:14

अपे फरीसी होड़कू अते तोनोरे तोरेपे दोहोन। हँकू अंधा मूक होड़कू इदानकुःआ। तोनोंगीग अंधा होड़ अनंधा होड़ दूरे उदुःवाय दो बना होड़ डोडहारेकिन रेम बोलो जुवाःता।”

मती ओजाःतेरा भगवानराः नपाय सरवन 16:4

नाःआ जूगरिकुःआ बेलूर अरू सनहा-सनही होड़कू सेरमो अते चिनहाकूनकू ञामता। मनदो हँकू एवनाराः चिनहा अते अरू एटाः तोनोंगाः चिनहा ओरोकू पवावनेना।” हनते ईसू हँकू अड़ाःवाडखन एटाः अगीय सलावयान।

मती ओजाःतेरा भगवानराः नपाय सरवन 21:27

दो हँकू ईसू एचेरेकू कता कुदातेरा, “अले मेरले सुसुदीतना।” दो ईसू हँकू एचेरेय कतातेरा, “दो ईंग हों नाःआ बुता ईंग चिला हातपाततेयिंग एचेयतना हना अपे एचेरे ओरोयिंग उदुःवातेडपेःआ।”

मरकूस 11:32

मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

मरकूस 12:1

हनते ईसू, होड़कू एचेरे मीटोंग अउल-तउल कहड़ीय कताया, “मी होड़ अंगूरराः बगइचाय लगावतेरा अरू हनाराः चइरो गतर भीटे रेमतेरा अरू अंगूरराः रस लेन लगा मीटोंग चटइन कोटेग कोटेगे लाः बोलोतेरा अरू मीटोंग उनुसूल अगुरा मसाय तुलातेरा। हनते हाँय अधियादारकू एचेरे अधिया एमे अटूवाडखन एटाः देस तोराय।

एहुना 3:10

नाःआ अयूमतेडखन ईसू हाँय एचेरेय कताया, “आम इसराएल होड़कूरीग चेडदार होड़ हवे। हनते हों आम नाःआ कताकून मेरेम बुझाःतना जा?

एहुना 9:27

दो हाँय हँकू एचेरेय कतातेड, “ईंग अपे एचेरेयिंग कता उदुःगोतेडा। मनदो अपे हना कता मेरपे अयूमगाड। मी तुरहा अरू चिला लगा अअयूम लगापे चहाःतना? हाँयरिकुःआ चेलाकू अपे हों बड़ाँः लगापे चहाःतना जा?”

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

2 कुरिंती 3:15

अरू तिसिंग वरी तोनोंगीग मोसेसराः नियमकूने बछाःता, हाँयराः इंदरी पनाता रेडतो इया इदा।