मरकूस 11:32 - Korwa Bible

³² मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

मरकूस 11:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:9

दो अपे चिला लगापे सेनेडा? अपे भगवानराः बड़रा कतायीग होड़ ञेल लगापे सेनेडा जा? हाव। ईंग अपे एचेरेयिंग कतायतना, एहुना जमा भगवानराः बड़रा कता होड़कू अते हों मरंगीग हवे।

मती ओजाःतेरा भगवानराः नपाय सरवन 14:5

हरदोस एहुना ञेड गोएगगेय लगाय ओंगलेःआ। मनदो होड़कू, एहुना भगवानराः बड़रा कतायीग होड़ माःआनकू मनेवाया अते होड़कू बोरोवाडखन एहुना तोनोंग इया मेरेय एचेगडीग।

मती ओजाःतेरा भगवानराः नपाय सरवन 21:46

अरू हँकू हाँय सबेय लगा दोंगकू ञामा। मनदो होड़कू हाँय भगवानराः बड़रा कतायीग होड़ माःआनकू मनवेया। हनालगा हँकू होड़कूकू बोरोवाःआ।

मरकूस 11:31

हनते हँकू अँननकू अँकू कता होड़ेंगा, “अबू कताय, सेरमो होरते, दो हाँय कतायता, अपे हाँय एचेरे चिला लगा मेरपे बिसवासगाड, माःआन।

मरकूस 11:33

हनते हँकुःआ होड़कू ईसू एचेरेकू कताया, “अले मेरले सुदीयतना।” दो ईसू कताया, “नाःआ बुता चिला हातपाततेयिंग एचेयतना, हना हों ओरोयिंग उदुःवातेडपेःआ।”

मरकूस 12:12

मूक पुजउरी अरू नियम चेडदार होड़कू अरू एहूदा मूक होड़कू सुदीगोतेडकू, ईसू अबू बदीरे नाःआ कहड़ीय कताकेरा, माःआन। हनालगा हँकू हाँय साबगेय लगाकू ओंगोलतेरा। मनदो हँकू ईसू साब अते होड़कूकू बोरोवाःआ अरू हँकू हाँय अड़ाःवडीगखन तोराकू।

मरकूस 6:20

हरदोस सुसुदीआय, एहुना बेगर गारबार अरू सुद होड़ हवे, माःआन। हनालगा हरदोस एहुनाय बोरोवाःआ अरू हाँय एहुना मेरेय ञेड ओवागडीग। तोनोंग बेला एहुनाराः कता अयूमवाडखन हरदोस ओंगोल बयाव जुवाःआ। मनदो हाँय एहुनाराः परसार बहालतेय अयुमेःआ।

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

लूका 22:2

मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

एहुना 10:41

मुरुक होड़कू हाँय एचेरेकू सेनेडा अरू हँकू कताया, “एहुना तोनोंगाः बयाव जुवाः इयाःआ बुता मेरेय उदुःगाड। मनदो एहुना नाँयग होड़ बदीरेय कतातेरा, हना जमा कताकून सनाताय दोहोना।”

मूक चेलाकू 5:26

हनारे अगुरा होड़कूरीग हातपात होड़ अदोम अगुरा होड़कू सुदाय सेनेडा। अरूकू ओंगोलतेरा, हँकुःआ होड़कू अबू रेनहाकेडकूखनबू साब अगूकू दो, हंडाकुःआ होड़कू अबू दिरितेकू तेकेबूता, माःआन। हनालगा हँकू मूक चेलाकू रेनहातेडकूखन मेरकू अगूगाडकू।