मरकूस 11:25 - Korwa Bible

²⁵ अपे अरजीतान मेला, तोनोंगीग होड़ बदीरे, माँय ईंग सुदाय कसूरकेरा, माःआनमे ओंगलेतना दो हना बराव एंडागोडमे, अरू आमरीग सेरमोरीग अपांग आमराः कसूर होंय बराव एंडागोडता।

मरकूस 11:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:23

हनालगा आम भगवान मड़ंगरे, तोनोंगाः बलिदानमे अगूतान मेला, आम सउंगताराः जीवरे आम बदीरे तोनोंगाः हिनइस इदा माःआन आम उहियार अगूय दो,

मती ओजाःतेरा भगवानराः नपाय सरवन 6:12

अले एटाः होड़कूराः गारबारले बराव एंडाकेरा, हनन इया अलेराः गारबार होंम बराव एंडागोड।

मती ओजाःतेरा भगवानराः नपाय सरवन 6:5

अपे अरजी मेला, पचघुचिया होड़कू इया अलोपे अरजी। हँकू एटाः होड़कू उदुःवा लगा अरजी ओड़ाःकूनरे अरू दोफा दूरकूनरे चड़ाँकियानखन अरजी लगाकू मंजूरवाता। अपे ईंगपे अयूम! हँकू जमालेःआ हनाराः इमानकू पवावयना।

लूका 18:11

दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।

लूका 18:13

मनदो मलगुजारी गोः होड़ तोरेरेय चड़ाँनेना अरू सेरमो अगी ञेल लगा हों मेरेय चहावगान। हाँय अनँयग कुड़ोम चपाड़ घड़ीने कताया, ने भगवान, ईंग कसूर होड़ हवे। आम ईंगमे मयावा, माःआन।”

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।

कुलूसी 3:13

तोनोंगीग होड़ बदीगेय इयाःआ कता अपे एचेरे दोहोन दो अपे सहाव होड़ेंगगोड ञवन, अरू परबू अपेराः कसूरे बराव एंडाकेरा, हनन इया अपे हों कसूरपे बराव एंडा होड़ेंग।

एकूब 2:13

तोनोंगीग होड़ एटाः होड़कू मेरेय सोगावा दो, फड़ियावराः दिनरे भगवान हों हाँयग होड़ ओरोय सोगावातेरिया। मनदो एटाःकूय सोगावाता हाँयग होड़, भगवान फड़ियावराः दिनरे हाँये सोगावाता।

उदुःतो कताकून 11:4

चउंदीसरीग परबू मड़ंगरे इदा हना बारटोंग जइतून दूब अरू बारटोंग ढिबरी हँकिनाः होड़किन हवे।