मरकूस 10:23 - Korwa Bible

²³ ईसू आँयग अउग-बउगे ञेलतेरा अरू आँयग चेलाकू एचेरेय कताया, “गिरहत होड़कू अँननकूराः ढिबुवाकूनरेकू भरसाता, हँकुःआ होड़कू भगवानराः राइजरे बोल लगा मुरुक मसकिल इदा।”

मरकूस 10:23 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:3

अरूय कतातेरा, “अपे ईंगपे अयूम! अपे अँननपेराः जीव कुदाकेडखन लँइग इया मेरपे बड़ाँः वरी, अपे भगवानराः राइजरे ओरोपे बोल अवेनेना।

मरकूस 10:15

अपे ईंगपे अयूम, लइंकू इया भगवानराः राइज मेरकू मनेवाता हँकुःआ होड़कू भगवानराः राइजरे ओनोरोकू बोलो अवेनेना।”

मरकूस 10:22

हाँयग होड़ मुरुक गिरहते दोहोना। हनालगा हाँय नाःआ बड़राय अयूमतेरा अरू हाँयराः जीव हुडिंगयानखन ओड़ाः अगी तोराय।

मरकूस 3:5

ईसू हँकुःआ होड़कूराः कटकट जीवतेय रीसयान। हनते ईसू चइरो गतर होड़कू ञेलवाडखन तिःई कोकोड़ावतो होड़ एचेरेय कताया, “आम तिःई लंबावगेमे।” दो हाँय अनँयग तिःईय लंबावगोतेड अरू हाँयराः तिःई नपाययान।

मरकूस 5:32

हनते ईसू इये ईंगे टोँवावकेरा हना सुदीगेय लगा आँयग अउग-बउगे ञेला।

लूका 18:24

ईसू हाँयग होड़ ञेलवाडखने कताया, “गिरहत होड़कू भगवानराः राइजरे बोल लगा मुरुक मसकिल इदा।

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

1 कुरिंती 1:26

ने अजी बोपोहकूतिंग, भगवान अपेय सुनावकेड अते मड़ंग, अपे करा इयापे दोहोना हनापे उहियार। हनमेला अपे होड़कूराः ओंगोलरे कनहूनदारकू अरू जंगरदारकू मेरपे दोहोगान अरू अपे अते मुरुक होड़कू मरंग मरंग मइछुवारे मेरपे जनमावगान।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

एकूब 4:4

ने सनहा-सनहीत होड़कू, अपे मेरपे सुदीयता जा, अपे नाःआ चउंदीसराः जिनिसकूनपे मंजूरवाता दो, अपे भगवानपे हिनइस-बिनइसवाता। तोनोंगीग होड़ चउंदीसराः जिनिसकून मंजूरगे लगाय चहाःता दो, हाँयग होड़ भगवानरीग मुदइ होड़ इदानिया।

2 पतरस 1:11

अरू अपे ईंग कताकेरा हनन इयापे जियाः दो अबूरीग परबू अरू सडावदार ईसू मसीराः ओरो लुलिगनेना हना देसरे मुरुक मान मरजइततेपे बोलो अवेनता।