मरकूस 10:21 - Korwa Bible

²¹ ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मरकूस 10:21 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:24

ईसू चेलाकूतेन एचेरेय कतातेड, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

मती ओजाःतेरा भगवानराः नपाय सरवन 19:21

दो ईसू कता कुदातेरा, “आम नाय नपाय बड़ाँः लगाम चहाःतना दो, सेनेकियानखन आमराः जमा जइतकून अकिरिंगकेडखन गरीब होड़कूम हटिंगगोडवा। अरू हना तयोमरे आम ईंग अगीम ओतोंग वेग। दो आम सेरमो देसरे मुरुक नपाय नपाय इमानमे पवाःता।”

मरकूस 10:22

हाँयग होड़ मुरुक गिरहते दोहोना। हनालगा हाँय नाःआ बड़राय अयूमतेरा अरू हाँयराः जीव हुडिंगयानखन ओड़ाः अगी तोराय।

मरकूस 8:34

हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 10:42

मनदो मिनीटोंग कता मइद इदा अरू हनानाः मनइद कता मरियम लुंबाड़केरा। हना हाँय अते तोनोंगीग ओरोकू लुड़ीतेरा।”

लूका 12:33

अपे अँननपेराः आन-धान अकिरिंगवाडखन होड़कूपे हटिंगगोडवा। अरू मेर जुनानता हना बगली अपे लगापे तुलाय। मेर चबानता अरू इनिग होड़ मेरेय इनिग अवेयता अरू दियाँकू मेरकू जोम अवेयता हना इयाःआ आन-धान सेरमो देसरेपे जुमावगोड।

लूका 16:9

ईसू अरूय कताया, “ईंग अपे एचेरेयिंग कतायतना, नाःआ चउंदीसराः ढिबुवाकूनते एटाःकू संघरावा घड़ीन अपे लगा सउंगताकूपे तुला। दो हना ढिबुवाकून चबन चबनरे भगवान अपे सगर सइट दोहोनता हना ओड़ाःरेय नेत-नेवारपेता।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

लूका 19:41

ईसू एरुसलेम सहररेय सोदोरनेन दो, हाँय हना सहर अगीय ञेलतेडखने इयामा

लूका 9:23

हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मूक चेलाकू 2:45

हँकुःआ होड़कू अँकूराः आन-धान अरू जिनिसकून अकिरिंगतेडखन हुडिंग बगरारेकू दोहोना हँकुःआ होड़कू लगाकू हटिंगतेरा।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 तिमुतियूस 3:12

सनातायते, ईसू मसी एचेरे बिसवासकेडखन भगवानराः हिछा इया जियाः लगाकू चाहाःता, हँकुःआ जमा होड़कू संतावरेकू पनाराःता।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

एकूब 2:10

अपे मिनीटोंग नियमपे टड़ावगोडता दो, जमा नियमकूने टड़ावकेरा हाँयग होड़ इया डंडपे पवाःता।

उदुःतो कताकून 2:14

मनदो अपे बदीरे ईंगके तोनोंग तोनोंग बड़रा ककता लगा इदा; अपे अते अदोम होड़कू बिलामराः चेडतोकू मनाःता। हाँयग बिलाम, बालाक राजा एचेरेय कता उदुःवातेरा, इसराएल होड़कूम लहकावगोडकू, जेमहा हँकू मुरतीकून मड़ंगरे मंडावतो जिनिसकूनकू जोम अरू सनहा-सनहीकू एचेय, माःआन।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।

उदुःतो कताकून 2:4

मनदो अपे बदीरे ईंगके मीटोंग बड़रा ककता लगा इदा; अपे मड़ंगाः दुलारपे अड़ाःकेरा।