मरकूस 10:19 - Korwa Bible

¹⁹ आम भगवानराः नियमकूनमे सुदीयतना। हना नियमरे नाःआ इया ओजाःतो इदा, अलोपे सनहा-सनही, अलोपे ञेड एंडाकू, अलोपे इनिगगे, लबरा हिदइत अलोपे एमेय, अलोपे अडिग जोम, अरू अपे एंगा-अपापे मान मरजइत।”

मरकूस 10:19 ပူးပေါင်းရင်းမြစ်များ

मरकूस 10:18

दो ईसू हाँय एचेरेय कताया, “आम चिला लगा ईंग ननपायमे कतावायिंगता? भगवान अड़ाःकेडखन तोनोंगीग नपाय कोवाया।

लूका 18:20

आम भगवानराः नियमकूनमे सुदीयतना। हना नियमरे नाःआ इया ओजाःतो इदा, अलोपे सनहा-सनही, अलोपे ञेड एंडाकू, अलोपे इनिगगे, लबरा हिदइत अलोपे एमेय, अरू अपे एंगा अपापे मान मरजइत।”

रूमी 13:9

भगवानराः नियमकून कतायता, “अलोपे सनहा-सनही, तोनोंगीग अलोपे ञेड एंडाय, अलोपे इनिग, अलोपे ललचीःआ।” नाःआ जमा नियमकून मिनीटोंग नियमरे मिनी जुवाःता, “अपे अँननपेरिकुःआ परुसीकू अँननपे इयापे अलार-दुलारकू।”

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

गलातिया 4:21

अपे मोसेसराः नियमकून मनाः घड़ीन दोहोन लगापे चहाःतना दो, अपे ईंगपे उदुःवा। अपेराः नियमकून चेले माःआन कतायता, हना अपे मेरपे सुदीयतना जा?

गलातिया 5:14

नाःआ मिनीटोंग नियमरे जमा नियमकून पुराव जुवाःता, “अपे अपेरिकुःआ परुसीकू अँननपे इयापे अलार-दुलारकू।”

1 तिसलूनिका 4:6

नाःआ बड़रारे तोनोंगीग होड़ अनँयग बिसवासी वगत अडिगकेडखन हाँयरीग अइमी सुदा अहाय कसूरगे। अले मड़ंगरेले सेतावतेडपेःआ हना इया, नाःआ इयाकू एचेयता हँकुःआ होड़कू परबू भगवान डंडियावकूता।

एकूब 2:11

अहापे सनहा-सनही, माःआने हुकुमकेरा हाँयग भगवान अबू एचेरे तोनोंगीग होड़ अहापे ञेड एंडाय माःआन होंय कताकेरा। हनालगा अपे मेरपे सनहा-सनही हों अपे एटाः होड़पे ञेड एंडागोडेयता दो अपे भगवानराः नियमपे टड़ावकेरा।