मरकूस 10:17 - Korwa Bible

¹⁷ दो ईसू हना अते उडुंगनेनखन दूररेय सेन मेला मी होड़ ईसू एचेरे वेजेडखन उकुड़ोमनेनखने होंबरेःआ, “ने नपाय गुरुजी, ओरो टुटीगनेना हना जीव पवाः लगा चिलायिंग एचे?”

मरकूस 10:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:14

ईसू अरू चेलाकूतेन मुरुक बगरा होड़कू दोहोना हंडाकू सोदोरनेन दो मी होड़ ईसू मड़ंगरे उकुड़ोमनेनखने कताया,

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

मती ओजाःतेरा भगवानराः नपाय सरवन 28:8

दो हँकिनाः अइमीकिन ओहेन हना लात मड़गट अते बोर अरू मुरुक बहालतेकिन कुदायान अरू चेलाकू एचेरे कता उदुःगे लगाकिन बतकाव सेनेडा।

मरकूस 1:40

एटाः दिन ईसू एचेरे मी होड़ कुड़गा होड़ वेजेडा। दो हाँय उकुड़ोमनेनखन ईसू एचेरे संघरा लगाय असेया, “ने मालिक, आम चहाः दो ईंग नपाय अवेगींगताम।”

मरकूस 10:18

दो ईसू हाँय एचेरेय कताया, “आम चिला लगा ईंग ननपायमे कतावायिंगता? भगवान अड़ाःकेडखन तोनोंगीग नपाय कोवाया।

मरकूस 12:14

हँकू ईसू एचेरे वेगकियानखनकू कताया, “ने गुरुजी अले सुदीयतनाले, आम होड़कू जहंडाव होड़ ना लवे। हनालगा आम तोनोंगीग होड़ आम ननायगे लगा मेरेम एचेयतना। मनदो भगवानराः सताय दूरमे उदुःवाकूता। दो अले उदुःवालेमे आम चेले माःआनमे ओंगलेतना? कइसर राजा एचेरे मलगुजारी एमेवाय लगा नपाय इदा जा कोवान?

मरकूस 9:25

ईसू ञेलतेडकुःआ होड़कू मुरुक बतकाव वेग घड़ीन मिनीरेकू जुमाःआ। दो हाँय भूत डंटावतेडखने कताया, “ने कोंदा अरू भइरा भूत, ईंग आमिंग कतावातना, नाँय अतेम उडुंग जुवाः अरू कहियो नाँय एचेरे अलोम जवाःगुः।”

लूका 10:25

मी दिन मी होड़ नियम चेडदार होड़ ईसू अंदजावगे लगा हाँय एचेरेय मीटोंग सवाले होंबोरतेरा, “ने गुरुजी, ओरो टुटीगनेना हना जीव पवाः लगा चिलायिंग एचे?”

एहुना 3:2

दो हाँय मी दिन, रइत मेला ईसू एचेरे सेनेडखने कताया, “ने गुरुजी, भगवान आम सुदा मेरेय दोहोकुः दो, आम एचेयता हना बयाव जुवाः इयाःआ बुता तोनोंगीग ओरोय एचे अवेतेरा। हनालगा अले सुसुदीतना आम भगवान अगीते अले चेडले लगाम वेगकिया।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 6:40

ईंगरीग अपांगराः ओंगोल नाःआ हवे। बेटातकू ञेलता अरू हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाःता अरू हँकू ईंग टुटीगगुःराः दिनरेयिंग जियाव रेमकूता।”

मूक चेलाकू 16:30

हना तयोमरे हाँय हँकिन जेहेल बहरीय उडुंगतेडकिना अरूय असेतेरा, “साहेबकिन, सडाव जुवाः लगा चिलायिंग एचे?”

मूक चेलाकू 2:37

नाःआ बड़राकू अयुमेःआ दो हँकुःआ होड़कूराः जीव कोड़-बिड़ावनेनखन पतरस अरू एटाः मूक चेलाकू एचेरेकू कतातेड, “वपक बोपोहकूताले, अले करा इयाले करजुः?”

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

मूक चेलाकू 9:6

दो हाँय कता कुदातेरा, “आम संतावगेयतना हाँयग ईसू हवे ईंग। नुँहू आम रिमुःमे अरू सहर अगीम सेन अरू हंडा आमके एएचे इदा हना आम एचेरेयिंग कतायता।”

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

तितूस 3:7

अरू मयावाडबूखन बेगर गारबार होड़कूय बड़ाँवकेडबुःआ, जेमहा ओरो टुटीगनेना हना जीवराः असरा इया इतडदारकूबू बड़ाँः।

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

1 पतरस 1:4

अरू भगवान अनँयगरिकुःआ होड़कू लगा सेरमो देसरेय दोहोकेरा कहियो ओरो सेयानेना सहे ओरो बेलूरनेना सहे ओरो बदलावनेना हना इताड पवाः लगाबू असरागोड ञवनतना।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।