मरकूस 1:32 - Korwa Bible

³² सिंगाड़ लिप-लिपाः मेला, एटाः एटाः होड़कू हसूकू दोहोना हँकुःआ होड़कू अरू भूतकू समसावनेना हँकुःआ होड़कू ईसू एचेरेकू अगूतेडकुःआ।

मरकूस 1:32 ပူးပေါင်းရင်းမြစ်များ

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मती ओजाःतेरा भगवानराः नपाय सरवन 8:16

सिंगाड़ मेला होड़कू, भूतकू समसावनेना हँकुःआ मुरुक बगरा होड़कू ईसू एचेरेकू अगूतेडकुःआ। अरू हँकुःआ भूतकू ईसू कनाता कतारेय उडुंगगोतेडकू। हाँय हसूत होड़कू होंय नपायगोतेड।

मती ओजाःतेरा भगवानराः नपाय सरवन 8:17

नाःआ कता भगवानराः बड़रा कता होड़ एसयाह मड़ंगरेय कतातेरा, हनन इया होयायान, “हाँय अबूराः अबड़ावतो अते अरू जमा इयाःआ हसूतेय नपायगोतेडबुःआ।”

मरकूस 1:21

ईसू अरू आँयगरिकुःआ चेलाकू कपरनहूम सहररेकू सेनेडा। लोड़ोनराः दिनरे ईसू अरजी ओड़ाःरेय सेनेडा अरू होड़कूय चेडा।

मरकूस 1:31

दो ईसू हाँय एचेरे सेनेडखन हाँयराः तिःईय साबतेरा अरूय नपाय रेमतिरिया। दो जार अड़ाःतिरिया अरू सिमोन हनहारतो हँकूय सेवातेरा।

मरकूस 3:2

दो तोनोंग तोनोंग होड़कू ईसू बदीगेय लगाकू ञामा। हँकू ईसू लोड़ोनराः दिनरे माँयग होड़े नपायगेयता जा कोवान हनाकू टोहाःआ।

लूका 4:40

सिंगाड़ बेर लिप-लिपाः मेला, एटाः एटाः होड़कू बेमरियारेकू दोहोना हँकुःआ होड़कू ईसू एचेरेकू अगूतेडकुःआ। ईसू मेमेड होड़ चोटरे तिःई खेपातेडखन जमाकूय नपायतेरा।

लूका 4:41

भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।