मरकूस 1:14 - Korwa Bible

¹⁴ तोनोंग दिन तयोमरे हरदोस राजा बतिसमा एमेयीग होड़ एहुना जहेलरेय एचे सींगगोतेडीग। हनते ईसू गलील छतर सेनेवाडखन भगवानराः नपाय सरवन होड़कू एचेरेय परसारगोतेड।

मरकूस 1:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:2

हनमेला एहुना जेहेलरेय दोहोना अरू ईसू एचेतेरा हना बुताकून हाँय अयूमतेरा दो, हाँय आँयग चेलाकू ईसू एचेरे वारतेडकूखने एचे होंबोरतेडकुःआ,

मती ओजाःतेरा भगवानराः नपाय सरवन 14:2

अरू हाँय अनँयगरिकुःआ सेवकियाकू एचेरेय कतातेरा, “हाँय गोएगतो होड़कू अतेय जियाव रेमकिया हाँयग बतिसमा एमेयीग होड़ एहुना हवे। हनालगा हाँय बयाव जुवाः इयाःआ बुताकूने एचे उदुः अवेता।”

मती ओजाःतेरा भगवानराः नपाय सरवन 4:12

हना तयोमरे तोनोंगीग ईसू एचेरेय कतातेरा, एहुना जेहेलरे इदानिया, माःआन। हनालगा ईसू गलील छतर अगीय कुदायान।

मती ओजाःतेरा भगवानराः नपाय सरवन 4:17

दो हना वरीते ईसू परसारगे लगाय बुँहड़ीतेरा अरूय कतातेड, “भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

लूका 3:20

दो हरदोस एहुना जेहेलरेय एचे सींगगोतेडीग अते, मड़ंग अते हों बगराय गारबारतेरा।)

लूका 8:1

हना तयोमरे ईसू एटाः एटाः गाँवकूनरे अरू सहरकूनरेय सेनेडा। हाँय होड़कू एचेरे सेनेडखन, भगवानराः राइजराः नपाय सरवने परसारतेरा। अरू ईसू सुदा आँयगरिकुःआ बारहो मूक चेलाकू हों दोहोना।

मूक चेलाकू 20:25

नुँहू ईंग सुदीयतना ईंग भगवानराः राइज बदीरे अपे एचेरेयिंग परसार उदुःतेरा अपे अते तोनोंगीग होड़, ईंग अनउर ओरोपे ञेल अवेतिरिंगा।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

रूमी 1:1

ने अजी बोपोहकूतिंग, ईसू मसीरीग सेवादार अरू मूक चेलाराः सेवारे, अरू भगवानराः नपाय सरवन परसारगे लगा भगवान एटाःकिडिंगा, ईंग पउलूस नाःआ चिठीयिंग ओजाःगेतना।

इपीसी 2:17

हाँय वेगनेनखन भगवान अते तोरेकू दोहोना अरू भगवानराः लेसानरेकू दोहोना, हँकुःआ जमा होड़कू एचेरे सलसतराः सरवने कता उदुःतेरा।