मती ओजाःतेरा भगवानराः नपाय सरवन 9:36 - Korwa Bible

³⁶ हंडा मुरुक बगरा होड़कू दोहोना अरू हँकू बेगर सरवाहातेकू दोहोनता हँकुःआ भेड़ाकू इया कटसियारे अरू बेगर संघरातेकू दोहोना। हनालगा हाँय हँकूय ञेलतेडकूखने सोगावातेडकुःआ।

मती ओजाःतेरा भगवानराः नपाय सरवन 9:36 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:6

मनदो अपे इसराएल जइतरिकुःआ केड़ेत भेड़ाकू इया इदानकुःआ हँकुःआ होड़कू एचेरेपे सेन।

मती ओजाःतेरा भगवानराः नपाय सरवन 14:14

ईसू डोंगा अतेय उतरावनेन दो आँयग अगी मुरुक बगरा होड़कू वेगतोय ञेलतेडकूखने सोगावातेडकुःआ अरू बेमारीतेकू दोहोना हँकुःआ होड़कूय नपायतेरा।

मती ओजाःतेरा भगवानराः नपाय सरवन 15:24

दो ईसू कता कुदातेरा, “ईंग इसराएल होड़कू अते केड़ेत भेड़ाकू इया इदानकुःआ हँकुःआ होड़कू ञामकू लगा नाःआ चउंदीसरे भगवान वारकिडिंगा।”

मती ओजाःतेरा भगवानराः नपाय सरवन 15:32

हनते ईसू अनँयगरिकुःआ चेलाकूतेन अनँयग एचेरे राःतेडकूखने कतातेरा, “नँकुःआ होड़कू ईंग ञेल सोगायना। नँकू पेय दिन वरीते इनिंग सुदा इदानकुःआ अरू नुँहू नँकू एचेरे कहिसाः जोम लगा कोवानेःआ। हनालगा नँकुःआ होड़कू रंगेगतो पइड़घावकू लगा मेरिंग चहाःतना। हँकू अते तोनोंगीग सेनेन सेन दूररे पड़ूकियानखन अलोकू असिड जुवाः।”

मरकूस 6:34

हँकू डोंगा अते उतरावनेनखन मुरुक बगरा होड़कू जुमावतोय ञेलतेडकुःआ। अरू हँकू बेगर सरवाहातेकू दोहोनता हँकुःआ भेड़ाकू इयाकू दोहोना। हनालगा ईसू हँकूय सोगावातेडकुःआ अरू हाँय हँकू मुरुके चेडकुःआ।

मरकूस 8:2

“नँकू ईंग सुदा पेय दिन वरीते इदानकुःआ अरू नँकू एचेरे जोम लगा तोनोंगाः जिनिस कोवानेःआ। हनालगा ईंग नँकुःआ होड़कूयिंग सोगावाकूतना।

इबरानी 4:15

दो हाँय अबूराः अबड़ाव जीव-जहन बदीरेय सोगा अवेवाबूता। हनालगा अबू कबुलाःता हना बिसवासरे बड़ियाड़बू दोहोन,

इबरानी 5:2

हाँय अनँयग अबड़ाव जीव-जहने दोहोनता। हनालगा बेगर कनहूनदारकू अरू बहकावतो होड़कू सुदा हाँयराः लूर नेवन सुधिया दोहोनता।