मती ओजाःतेरा भगवानराः नपाय सरवन 9:15 - Korwa Bible

¹⁵ दो ईसू हँकू एचेरेय कतातेरा, “बरबाबू सुदाकू दोहोनता हँकुःआ बरतियाकू चिला लगाकू फिकिराःआ? मनदो तोनोंग दिनरे बरबाबू हँकू अतेकू गोःगेयता, दो हनमेला हँकू उपासरेकू दोहोनता।”

मती ओजाःतेरा भगवानराः नपाय सरवन 9:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 9:14

बतिसमा एमेयीग होड़ एहुनारिकुःआ चेलाकू ईसू एचेरे वेगनेनखनकू होंबोरतेड, “अले, अरू फरीसी होड़कू उपासरेकू दोहोनता, मनदो आमरिकुःआ चेलाकू चिला लगा उपास मेरकू दोहोनता?”

मती ओजाःतेरा भगवानराः नपाय सरवन 9:16

“तोनोंगीग होड़ जुना सोनहेरे नँवा सोनहेराः चिरकूट ओरोय सोःतेरा। नान उड़ीय एचेय दो नँवा सोनहे हिराः जुवाःता अरू जुना सोनहेरे ओरो मेसानेना।

मरकूस 2:19

दो ईसू हँकू एचेरे मीटोंग कहड़ीय कतातेरा, “बरवा सुदाकू दोहोनता हँकुःआ बरतिया होड़कू करा उड़ी उपासकू दोहोन? हँकू सुदा बरबाबू दोहोनता हना वरी हँकू ओरोकू उपासनेना।

मरकूस 2:20

मनदो मी दिन बरबाबू हँकू अते रेनहाकू गोःगेयता। दो हनमेला हँकू उपासकू दोहोनता।”

लूका 17:22

हनते ईसू चेलाकू एचेरेय कताया, “मनुवारीग बेटातराः मी दिन ञेल लगा अपे चहाःता हना दिन निचकाःतना, मनदो हना अपे ओरोपे ञेल अवेतेरा।

लूका 5:34

दो ईसू हँकू एचेरे मीटोंग कहड़ीय कतातेरा, “बरवा सुदाकू दोहोनता हँकुःआ बरतिया होड़कू चिला लगा उपासकू दोहोन?

लूका 5:35

मनदो बरबाबू सउंगताकू अतेकू एटाःगोडेयता, हना दिन वेगता। दो हननमेला हँकू उपासकू दोहोनता।”

एहुना 16:6

नाःआ कता अपे एचेरेयिंग कतागोतेरा। हनालगा अपेराः जीव हुडिंगयना।

एहुना 3:29

कनियानुनी बरवारीग हवे मनदो बरवारीग सउंगता सपड़ावकेडखन बरवाय तंगीता अरू हाँय बरवाराः अरो अयूमकेडखने बहाल जुवाःता। हनन इया नुँहू ईंग हों मुरुकिंग बहालयना।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

1 कुरिंती 7:5

तोनोंग इया होयाः, अलोपे बरजाव होड़ेंग। मनदो तोनोंग बेला वरी, अरजी लगा मी रायकियानखन एटाः एटाःरेपे दोहो अवेनता। हना तयोमते अपे मिनीरेपे जुमाव जुवाः, अरू अपे संभाड़गुः घड़ीनपे दोहोन अते कलउ अपे अरोय अंदजाव अवेतेडपेःआ।

2 कुरिंती 11:27

ईंग मुरुकिंग मिहनइतगेःआ अरू कटसियायिंग परावनेना अरू रइत रइत मेरिंग अपीगा। रंगेगतो अरू ततंगतोयिंग दोहोना अरू घड़ी घड़ी बेगर जोमतेयिंग दोहोना। ईंग ररंगिंगा अरू डेंडलेयिंग दोहोना।

उदुःतो कताकून 19:9

हनते सेरमो देसरीग बराहील ईंग एचेरेय कतातेरा, “ओजाःगेमे। भेड़ा होनराः बियाह भोज जोम लगा टिवाकू पवावनेना हँकुःआ होड़कूराः जीव भगवान नपायगेता।” हनते हाँय अरूय कतातेरा, “नाःआ कताकून भगवानराः सताय कताकून हवे।”

उदुःतो कताकून 21:2

हनते ईंग सुद सहर, नँवा एरुसलेम भगवान अगीते सेरमो देस अते उतराःतो ईंग ञेलतेरा। हना सहर, अनँयग हेरेल लगा सिंगारकियानखन सुघरे दोहोनता हाँयग कनिया इया दोहोना।