मती ओजाःतेरा भगवानराः नपाय सरवन 8:18 - Korwa Bible

¹⁸ ईसू मुरुक बगरा होड़कू आयँगराः चइरो गतररे ञेलतेडकू दो हाँय चेलाकू एचेरेय हुकुमतेरा, “दोबू अबू नाःआ हुडिंग समुंदर मार परोमबू सेने पारता।”

मती ओजाःतेरा भगवानराः नपाय सरवन 8:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 14:22

ईसू हंडाकू दोहोना हँकुःआ होड़कू पइड़घावकू मेला चेलाकूतेन ओहेन डोंगारे देग लगाय कतावातेडकुःआ, जेमहा हँकू हाँयते मड़ंग हुडिंग समुंदर मार परोमकू पार जुवाः।

मती ओजाःतेरा भगवानराः नपाय सरवन 8:1

ईसू पहाड़तेय उतरावनेन दो हाँय देह दूर मुरुक बगरा होड़कू सेनेडा।

मरकूस 4:35

हना दिन सिंगाड़ मेला ईसू आँयग चेलाकू एचेरेय कताया, “दोबू अबू नाःआ हुडिंग समुंदर मार परोमबू सेने पारता।”

मरकूस 5:21

हनते ईसू डोंगारे हना हुडिंग समुंदर अरू पारनेनखन मार परोमे कुदा सेनेडा अरू हना समुंदर धरीरेय दोहोना। दो मुरुक होड़कू ईसूराः चइरो गतरकू जुमावयान।

मरकूस 6:45

हनते ईसू चेलाकूतेन ओहेने कतावाडकू, “अपे डोंगारे देगकियानखन नाःआ अते मार परोम ईंग अते मड़ंग बदसइदा गाँवरेपे सलाव जुवाः।” अरू ईसू होड़कू अँननकू अँकू ओड़ाःरेय वारगोतेडकू।

मरकूस 8:13

हनते हाँय हँकूय अड़ाः अटूवाडखन डोंगारेय देगयान अरू मार परोमे पारयान।

लूका 8:22

मी दिन ईसू आँयग चेलाकू एचेरेय कताया, “दो अबू नाःआ हुडिंग समुंदर मार परोमबू सेने पारता।” हनते हँकू डोंगारे देगकियानखन मार परोम तोराकू।

एहुना 6:15

ईसू सुदीगोतेड, होड़कू ईंग रेनहाकेडखन अँकूरीग राजा बड़ाँवगींग लगाकू ओंगलेतना, माःआन। हनालगा हाँय कगरावनेनखन पहाड़ होर एनेकला तोराय।