मती ओजाःतेरा भगवानराः नपाय सरवन 7:23 - Korwa Bible

²³ दो ईंग हँकुःआ होड़कू एचेरेयिंग कतायता, “ईंग अपे कहियो मेरिंग सुदीगोडपेःआ। ने बेलूर होड़कू, अपे ईंग मड़ंगतेपे सलाव जुवाः।”

मती ओजाःतेरा भगवानराः नपाय सरवन 7:23 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:12

मनदो हाँय कता कुदातेरा, अपे ईंगपे अयूम, ईंग अपे मेरिंग सुदीपेतना।

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

लूका 13:25

मी दिन ओड़ाःरीग मालिक रेमवाडखन ओड़ाः दुवारेय सींगगोडता। बहरीकू दोहोनता, हँकुःआ होड़कू टोकोः घड़ीनकू सालता, ने परबू अले लगा दुवारमे गीग, माःआन। दो हाँय कतायता, ईंग अपे मेरिंग सिनहापेतना। अपे करेकुःआ हवे, माःआन?

लूका 13:27

मनदो हाँय कतायता, ईंग अपे मेरिंग सिनहापेतना। अपे करेकुःआ होड़कू हवे? ने बेलूर बुता होड़कू, अपे जमाकू ईंगतेपे तोरे जुवाः, माःआन।

एहुना 10:14

नपाय सरवाहा ईंग हवे। ईंग ईंगरिकुःआ भेड़ाकूयिंग सुदीता अरू ईंगरिकुःआ भेड़ाकू ईंगकू सुदीता।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।