मती ओजाःतेरा भगवानराः नपाय सरवन 7:15 - Korwa Bible

¹⁵ भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

मती ओजाःतेरा भगवानराः नपाय सरवन 7:15 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मती ओजाःतेरा भगवानराः नपाय सरवन 16:11

अपे चिला लगा मेरपे बुझाःतना, ईंग अपे एचेरे रुटी बदीरे मेरिंग कतागरा। मनदो अपे फरीसी होड़कू अरू सदूकी होड़कूराः सेबेल सोड़ा अते सवासितीपे दोहोन लगायिंग कताया।”

मती ओजाःतेरा भगवानराः नपाय सरवन 16:6

दो ईसू हँकू एचेरेय कतातेड, “फरीसी होड़कू अरू सदूकी होड़कूराः सेबेल सोड़ा अते अपे सवासितीपे दोहोन।”

मती ओजाःतेरा भगवानराः नपाय सरवन 24:11

भगवानराः बड़रा लबराकेडखनकू कतायता हँकुःआ मुरुक बगरा होड़कू रेम चड़ाँनता अरू मुरुक बगरा होड़कूकू बहकावगोडकूता।

मती ओजाःतेरा भगवानराः नपाय सरवन 7:14

ईंग अपे एचेरेयिंग कतायतना, सताय जीव अगी गोःकूता हना दुवार सेपटा इदा अरू हना दूररे सेन लगा सिकिसता इदा। अरू गुनमिन होड़कू हना दूरकू ञामता।

लूका 12:15

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

लूका 6:26

होड़कू अपेकू भल-भलायवाता, मनदो अपे ठीक जुवाःतापे। भगवानराः बड़रा लबरातेकू कताया हँकुःआ होड़कू बदीरे हों अपेरिकुःआ खुटिपरिया होड़कू होंकू भल-भलायनेना।

एहुना 10:12

मंजूरीया होड़ सरवाहा मेरेय दोहोनता सहे भेड़ाकूरीग मालिक हों मेरेय दोहोनता। हनालगा रमू बुःआ वेगतोय ञेलेयतान दो, हाँय भेड़ाकूय ञीर एंडा अटूकूता। हनमेला रमू बुःआ भेड़ाकू साबकेडखने रिती-छितीगोडकूता।

मूक चेलाकू 13:40

भगवान आँयग बड़रा कतायीग होड़तेय कताया हनन इया अपेराः जीवरे अहा होयाः लगा अपे सवासितीपे दोहोन।

मूक चेलाकू 13:6

हँकू हना डुगुराः एटाः एटाः ततेर पारनेनखन पाफूस सहर वरीकू सोदोरनेना। हंडा मी होड़ होड़ दोहोना। हाँयराः ञाव दोहोना बर-ईसू अरू उनानी भासीरे हाँयराः ञाव दोहोना एलीमास। हाँय एहूदा होड़े दोहोना अरू हाँय जादो होड़ अरू भगवानराः बड़रा लबराते कतायीग होड़े दोहोना।

गलातिया 2:4

अदोम होड़कू सनातायते बिसवासी होड़कू मेरकू दोहोगान अरू लबरा बराहीलकू इयाकू दोहोना। ईसू मसी अबूय अजइतगोतेडबुःआ, मनदो हना अजइत अते एहूदाकूराः खतनात नियमकून एचे मनावकेडबूखन बेगारी होड़कू बड़ाँवबू लगाकू चहाःआ।

इपीसी 4:14

नाःआ इया अबू मसीरेबू हरानता दो, अबू लइंकू इया ओरोबू दोहोनेना। डोंगा लहराते तुकड़ाव हड़ाःता हनन इया अडिग बइना चलहू होड़कू अँकूराः एटाः एटाः लबरा चेडतोते ओरोकू बहकाव अवेतेडबुःआ।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

पिलिपी 3:2

खखतना लगाकू कतायता हँकुःआ कुतुकू इया बेलूर होड़कू अते सवासितीपे दोहोन।

कुलूसी 2:8

होड़कू अँननकूराः कनहून अरू सदाःआ बड़राते, अहाकू मोहाव अवेपे लगा सवासितीपे दोहोन। हँकूराः बड़रा मसीराः ओंगोल इया कोवानेःआ, मनदो होड़कूराः रिती-बिधी अरू नियमकून अते इदा। हँकू राइजबड़ी बदीरे मड़ंग जूगरिकुःआ होड़कूराः चेडतो अतेकू चेडकूता।

2 तिमुतियूस 3:13

मनदो बेलूर होड़कू अरू लबरा चेडदार होड़कू एटाः होड़कूकू अडिगता अरू अँननकू अडिग जोमकेडखनकू अनाड इदीनता।

2 तिमुतियूस 4:3

भगवानराः सताय सरवन अयुमे लगा होड़कू ओरोकू पतियावातेरा हना दिन निचकाःतना। मनदो अँननकूराः हिछा इयाःआ बड़रा अयूम लगाकू चहाःता अरू हनन इयाकुःआ चेडदार होड़कूकू ञाम अगुकूता।

2 पतरस 3:17

दो ईंगरिकुःआ अजी बोपोहकूतिंग, अपे नाःआ कताकून मनाड़ंगतेपे सुदीकेरा। हनालगा अपे सवासितीपे दोहोन, जेमहा बेलूर होड़कूराः लबरा चेडतोरे अहापे बहकाः अरू सताय कताकून अहापे अड़ाः एंडागे।

1 एहुना 4:1

ने अजी बोपोहकूतिंग, नाःआ चउंदीसरे भगवानराः बड़रा लबराकेडखन कताय होड़कू मुरुक इदनकुःआ। हँकुःआ होड़कूराः कता अपे ओहेन अहापे बिसवासगे। मनदो अपे हँकुःआ होड़कू सतायते भगवानराः बड़राकू कतायता जा कोवान हना नपायते जासवाडखनपे बिसवासगे।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 16:13

हनते ईंग हाँयग लाल मरंग बींगराः आहते, अरू जानरराः आहते अरू भगवानराः बड़रा लबराते कतायीग होड़राः आहते मेमेडटोंग मेमेडटोंग भूतकू रोकेगकू इयाकू उडुंगुःतो ईंग ञेलतेडकुःआ।

उदुःतो कताकून 17:6

हाँयग अइमी, ईसूराः सताय कताकू कताया, हँकुःआ भगवानरिकुःआ सुद होड़कूय ञेड एंडातेरा अरू हँकूराः बलंगी ञूतेडखन बुनूलतोयिंग ञेलतिरिया। ईंग हाँयिंग ञेलतेड दो मुरुकिंग बयावयान।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।

उदुःतो कताकून 20:10

हनते हँकुःआ होड़कू अडिगता हाँयग कलउ, सेंगेल अरू हितकाःतो लेटे दिरिराः हुडिंग समुंदररेय तेके बोलोगोडेयता। हंडा हाँयग जानर अरू भगवानराः बड़रा लबराते कतायीग होड़ हों दोहोनता। हँकू सगर सइट दिन रइत पीरारेकू पिड़ियाः पिड़ियाः ञवनता।