मती ओजाःतेरा भगवानराः नपाय सरवन 7:14 - Korwa Bible

¹⁴ ईंग अपे एचेरेयिंग कतायतना, सताय जीव अगी गोःकूता हना दुवार सेपटा इदा अरू हना दूररे सेन लगा सिकिसता इदा। अरू गुनमिन होड़कू हना दूरकू ञामता।

मती ओजाःतेरा भगवानराः नपाय सरवन 7:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:16

ननन इया तयोमरे इदानकुःआ हँकुःआ होड़कू मड़ंग जुवाःता अरू मड़ंगरे इदानकुःआ हँकुःआ होड़कू तयोम जुवाःता।”

मती ओजाःतेरा भगवानराः नपाय सरवन 22:14

राःतो होड़कू दो मुरुक इदानकुःआ, मनदो सुनावतो होड़कू हुनुडिंग इदानकुःआ।”

मती ओजाःतेरा भगवानराः नपाय सरवन 7:13

लायगुःराः दुवार सकड़ अरू हना दूर रिता इदा। अरू हना दुवारतेकू बोलता हँकुःआ होड़कू मुरुक बगरा इदानकुःआ। हनालगा सेपटा दुवारते भगवानराः राइजरे बोल लगापे कुरनिसगे।

मती ओजाःतेरा भगवानराः नपाय सरवन 7:15

भगवानराः बड़रा लबरातेकू कतायता हँकुःआ होड़कू अते सवासितीपे दोहोन। हँकुःआ होड़कू अपे एचेरे भेड़ाकूराः भेसरेकू वेगता। मनदो हँकू सतायरे रमू बुःआकू इया इदानकुःआ।

मरकूस 8:34

हनते ईसू हंडाकू जुमावनेना हँकुःआ होड़कू अरू आँयग चेलाकू आँयग एचेरे राःतेडखन हँकू एचेरेय कतातेरा, “तोनोंगीग ईंग तयोम अगी वेग लगाय ओंगलेतना दो हाँय अनँयगराः जीव अड़ाःवाडखन अनँयग कुरूस रेमकेडखन ईंग देह दूरे ओतोंग वेग।

लूका 12:32

ईसू अरूय कताया, “ने हुडिंग गउदारिकुःआ होड़कू, अपे अलोपे बोर। अपेरीग सेरमो देसरीग अपांग, आँयगराः राइज अपे एमेवापे लगा मंजूररे इदानिया।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

रूमी 9:32

चिला लगा नाःआ इया होयायना? इसराएल होड़कू भगवान एचेरे बिसवासकेडखन बेगर गारबार होड़कू बड़ाँः लगा मेरकू ओंगोलगाड, मनदो नियम मनाः लगाकू कुरनिसगे अते बेगर गारबार होड़कू बड़ाँः लगाकू ओंगोलतेड। हनालगा हँकुःआ इसराएल होड़कू, होड़कू एचे तामकूता हनानाः खुंटातेकू तोहोडयना,