मती ओजाःतेरा भगवानराः नपाय सरवन 6:5 - Korwa Bible

⁵ अपे अरजी मेला, पचघुचिया होड़कू इया अलोपे अरजी। हँकू एटाः होड़कू उदुःवा लगा अरजी ओड़ाःकूनरे अरू दोफा दूरकूनरे चड़ाँकियानखन अरजी लगाकू मंजूरवाता। अपे ईंगपे अयूम! हँकू जमालेःआ हनाराः इमानकू पवावयना।

मती ओजाःतेरा भगवानराः नपाय सरवन 6:5 ပူးပေါင်းရင်းမြစ်များ

मती ओजाःतेरा भगवानराः नपाय सरवन 21:22

जे हों सकालाः अपे बिसवासकेडखन अरजी घड़ीनपे असेय हना जमा अपे पवाव जुवाःतापे।”

मती ओजाःतेरा भगवानराः नपाय सरवन 23:13

ने पचघुचिया नियम चेडदार होड़कू अरू फरीसी होड़कू, अपे दोपे ठीकयान। अपे एटाः होड़कू भगवानराः राइजरे बोल अतेपे रोंकावकूता। अपे अँननपे सेरमो देसरे मेरपे बोलता अरू एटाः होड़कू हों सेरमो देसरे मेरपे बोलो ओवाकूता।

मती ओजाःतेरा भगवानराः नपाय सरवन 23:5

अरू हँकू अँनकूराः जमा बुता, होड़कू ञेलले, माःआनते होड़कूकू बुता उदुःवाता। हँकू अँनकूराः अरजी बकसाकून सकड़कू तुलायता अरू हँकूराः अरजी पंछाराः असरा लंबी लंबीकू तुलायता।”

मती ओजाःतेरा भगवानराः नपाय सरवन 23:6

“हँकू जोम लगाकू राःकूता हँकुःआ होड़कूराः ओड़ाःरे मइद मइद ततेररे दुड़ुः लगा अरू अरजी ओड़ाःरे हों मरंग मरंग होड़कू दुड़ुःता हना ततेररे दुड़ुः लगाकू चहाःता।

मती ओजाःतेरा भगवानराः नपाय सरवन 6:1

“अपे होड़कू एचे उदुःवा लगा धरमराः नपाय बुताकून अलोपे एचेय। नाःआ इयापे एचेय दो, सेरमो देसरे इदानिया अपेरीग अपांग अते हना नपाय बुताराः इमान कहिसाः ओरोपे पवावनेना।

मती ओजाःतेरा भगवानराः नपाय सरवन 6:16

अपे उपासपे दोहोन मेला, पचघुचिया होड़कू इया अपेराः सुरइत अलोपे उतरावगे। अले उपासरे इदानलेःआ, माःआन होड़कू एचे उदुःवा लगा अँनकूराः सुरइतकू उतरावगोडता। अपे ईंगपे अयूम! हँकू हनाराः जमा इमानकू पवावयना।

मती ओजाःतेरा भगवानराः नपाय सरवन 6:2

हनालगा अपे गरीब होड़कू लगा तोनोंगाः संघरापे एमे मेला, एटाः होड़कू उदुःकेडखन अलोपे एमेय। पचघुचिया होड़कू अरजी ओड़ाःकूनरे अरू दोफा दूरकूनरे गरीब होड़कूकू संघरावाता, जेमहा एटाः होड़कू अँननकूकू मान मरजइत। अपे ईंगपे अयूम! हँकू हनाराः जमा इमानकू पवावयान।

मती ओजाःतेरा भगवानराः नपाय सरवन 9:38

हनालगा दोहोड़रीग मालिक भगवान एचेरे बुता होड़कूय वारकू लगापे अरजीगे।”

मरकूस 11:25

अपे अरजीतान मेला, तोनोंगीग होड़ बदीरे, माँय ईंग सुदाय कसूरकेरा, माःआनमे ओंगलेतना दो हना बराव एंडागोडमे, अरू आमरीग सेरमोरीग अपांग आमराः कसूर होंय बराव एंडागोडता।

मरकूस 12:38

दो ईसू होड़कूय चेड मेला हँकू एचेरेय कतातेरा, “नियम चेडदार होड़कू अते सवासितीपे दोहोन। हँकू तोलोंग तोलोंग सोनहे तुसिंगकेडखन जमा होड़कू ञेलले माःआनते जमा होड़कूराः मड़ंग मड़ंगकू सेनता। बजाररिकुःआ होड़कू जमाकू अलेकू सलामकेःआ माःआनकू चहाःता।

लूका 11:43

ने फरीसी होड़कू, अपे दोपे ठीकयना। अपे अरजी ओड़ाःरे मरंग मरंग होड़कू दुड़ुःता हना ततेररे दुड़ुः लगापे ञामता। अरू बजाररे जमा होड़कू अलेकू सलामकेःआ, माःआनपे ओंगलेता।

लूका 18:1

हना तयोमरे ईसू आँयग चेलाकू एचेरे मीटोंग अउल-तउल कहड़ीय कता उदुःतेरा, जेमहा हँकू सगर बेलाकू अरजीगे अरू भगवान एचेरेकू भरसा हड़ाःगे।

लूका 18:13

मनदो मलगुजारी गोः होड़ तोरेरेय चड़ाँनेना अरू सेरमो अगी ञेल लगा हों मेरेय चहावगान। हाँय अनँयग कुड़ोम चपाड़ घड़ीने कताया, ने भगवान, ईंग कसूर होड़ हवे। आम ईंगमे मयावा, माःआन।”

लूका 20:47

रंडियाहीनकू एचेरेकू अडिग जोमता अरू होड़कू उदुःवाकू लगा हँकू मुरुककू अरजीता। मनदो भगवान हँकुःआ होड़कू मुरुके डंडियावकूता।”

लूका 6:24

ने गिरहत होड़कू, अपे सलसतपे पवावबाःयना, मनदो अपे ठीक जुवाःतापे।

एहुना 16:24

नुँहू वरी अपे ईंगराः ञावते कहिसाः मेरपे असेगरा। अपेराः जीव अहाल-बहाल जुवाः लगा ईंगराः ञावतेपे असेय, दो पवाव जुवाःतापे।

इपीसी 6:18

सुद बिरुवाते जमा बेलारे जमालेःआ लगा अरजी हड़ाःगोड ञवनपे। ननन इया सवासितीपे दोहोन घड़ीन भगवानरिकुःआ जमा सुद होड़कू लगा अरजीगोड ञवनपे।

1 तिसलूनिका 5:17

जमा बेला अरजीगोड ञवनपे।

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”