मती ओजाःतेरा भगवानराः नपाय सरवन 6:4 - Korwa Bible

⁴ जेमहा अपेराः संघरा एमेत, एटाः होड़कू अलोकू सुदीय। दो सेरमो देसरे इदानिया अपेरीग अपांग भगवान, अपेराः नपाय बुता ञेलकेडखन हनाराः इमाने एमेवापेता।”

मती ओजाःतेरा भगवानराः नपाय सरवन 6:4 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:42

अपे ईंगपे अयूम! तोनोंगीग होड़ ईंगरिकुःआ चेलाकू अते मी होड़ हुडिंगीग चेला लगा दाः ञूय लगाय एमेवाय दो, हाँयग होड़ भगवान अगीते इमाने पनावाःता।”

मती ओजाःतेरा भगवानराः नपाय सरवन 6:18

जेमहा होड़कू अलोकू सुदीय, नँकू उपासरे इदानकुःआ, माःआन। सेरमो देसरे इदानिया अपेरीग अपांग भगवान एकला सुदीय अरू हाँय अपे इमाने एमेवापेता।

मती ओजाःतेरा भगवानराः नपाय सरवन 6:3

मनदो अपे तोनोंगीगपे संघरावा दो हनमेला अपेराः खउना तिःई एचेयता हना अपेराः दिरहिया तिःई अलो सुदी अवेय,

मती ओजाःतेरा भगवानराः नपाय सरवन 6:6

मनदो अपे अरजी दो कुठरीरेपे सेन अरू दुवारपे सींग। हनते अबू मेरबू ञेल अवेयता हाँयग अपांग भगवान एचेरेपे अरजी। दो अपेरीग अपांग भगवान अपेराः ओनोक दनंग बुताय ञेलता अरू जमाकू मड़ंगरे इमाने एनेमेवापेता।

लूका 14:14

हँकुःआ होड़कू आम ओरोकू राः बदला अवेतेडमेःआ। हनालगा नाःआ इयाम एचेय दो भगवान आमे भलावाता। बेगर गारबार होड़कू जियाव रिमुःता हना दिन भगवान अते नपाय इमानमे पवाःता।”

लूका 8:17

नुँहू मेर ञिलुःतना हना जमाकून, तयोमरे भगवान जमा होड़कू एचेरेय एचे उदुःगोडता। अरू नुँहू होड़कू मेरकू सुसुदीतना हना जमाकून भगवान एचे सुदीगोडकूताय।

1 कुरिंती 4:5

दो परबू अरीने कुदा वेग वरी, अपे तोनोंगीग अलोपे फड़ियावगेय। हनाँय अंदरारे ओकोत इदा हना कताकून मरसलरेय एचे उदुःगोडता अरू होड़कूराः ओंगोलकूने एचे उदुःगोडता। हना तयोमते भगवान मेमेड होड़ अँननकूराः बुता इयाय भल-भलायकूता।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।