मती ओजाःतेरा भगवानराः नपाय सरवन 6:34 - Korwa Bible

³⁴ हनालगा अपे गपाःआ कता लगा अलोपे ओंगोलगोड ञवन। गपा लगा गनापापे ओंगले। तिसिंग ओंगले लगा तिनिसिंगाःआ कटसिया बगरा इदा।

मती ओजाःतेरा भगवानराः नपाय सरवन 6:34 ပူးပေါင်းရင်းမြစ်များ

मती ओजाःतेरा भगवानराः नपाय सरवन 6:11

अलेराः सगर दिनाः जोम जिनिस तिसिंग अले लगाम एमेवाले।

मती ओजाःतेरा भगवानराः नपाय सरवन 6:25

हनालगा अपे एचेरे ईंग कतायतना, अपे अँननपेराः जीव लगा अलोपे ओंगोल कुहकाः, अले चिलाले जोम अरू चिलाले ञू, माःआन। अरू अपे अँननपेराः देह लगा अलोपे ओंगले, अले चिलाले तुसिंग, माःआन। जीव, जउः अते अरू देह, सोनहे अते मरंग कोवानेःआ जा?

मती ओजाःतेरा भगवानराः नपाय सरवन 6:27

अपे अते इये ओंगोल कुहकाः घड़ीन अनँयगराः उमइर मी घंटा होंय बडे अवेयता?

लूका 10:41

परबू ईसू मारता एचेरेय कताया, “ने मारता, आम मुरुकमे ओंगोलेता अरूम हदराःता।

लूका 11:3

अलेराः सगर दिनाः जोम जिनिस मेमेड दिन अले लगाम एमेवाले।

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।

लूका 12:22

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

एहुना 14:27

ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

1 पतरस 5:7

भगवान अपे लगाय ओंगोलगोड ञवनतना। हनालगा अपेराः जमा बरानाः ओंगोल कुहकाःकून हाँय एचेरेपे जिमागोड।