मती ओजाःतेरा भगवानराः नपाय सरवन 6:28 - Korwa Bible

²⁸ अरू सोनहे लगा चिला लगापे ओंगोल कुहकाःता? अपे पहाड़राः बहाकून बदीरेपे ओंगले, हन करा इया हरानता। हन मेर बुताता अरू सोनहे मेर तुलायता।

मती ओजाःतेरा भगवानराः नपाय सरवन 6:28 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:10

तोनोंगाः बुताय बुताता हाँयग होड़के हनानाः बुताराः बनी पवाः जुकूर इदानिया। हनालगा अपे सेन दूर लगा झोला सहे बारगोटोंग अंगा सहे चाटी सहे हाप हों अलोपे गोः।

मती ओजाःतेरा भगवानराः नपाय सरवन 6:25

हनालगा अपे एचेरे ईंग कतायतना, अपे अँननपेराः जीव लगा अलोपे ओंगोल कुहकाः, अले चिलाले जोम अरू चिलाले ञू, माःआन। अरू अपे अँननपेराः देह लगा अलोपे ओंगले, अले चिलाले तुसिंग, माःआन। जीव, जउः अते अरू देह, सोनहे अते मरंग कोवानेःआ जा?

मती ओजाःतेरा भगवानराः नपाय सरवन 6:27

अपे अते इये ओंगोल कुहकाः घड़ीन अनँयगराः उमइर मी घंटा होंय बडे अवेयता?

मती ओजाःतेरा भगवानराः नपाय सरवन 6:31

हनालगा अपे कुहकाः घड़ीन नाःआ इया अलोपे ओंगले, अले चिलाले जोम अरू चिलाले ञू अरू चिलाले तुसिंग, माःआन।

लूका 10:41

परबू ईसू मारता एचेरेय कताया, “ने मारता, आम मुरुकमे ओंगोलेता अरूम हदराःता।

लूका 12:11

एटाः होड़कू अपे साब गोःकेडपेखन अरजी ओड़ाःरे अरू अदालइत ओड़ाःरे अरू नेताकू मड़ंगरेकू एचे चड़ाँपे दो, हनमेला अलोपे ओंगोल दोहोगे, माररे अबू चेले माःआनबू कतायता, माःआन।

लूका 12:22

हनते ईसू चेलाकू एचेरेय कताया, “हनालगा अपे एचेरे ईंग कतायतना, अपेराः जीव लगा अलोपे ओंगोल कुहकाः, अले चिलाले जोम, माःआन। अरू अपे देह लगा अलोपे ओंगले, अले चिलाले तुसिंग, माःआन।

लूका 12:27

अपे बहाकून बदीरेपे ओंगले, हन करा इया हरानता। हन मेर बुताता अरू सोनहे मेर तुलायता। अपे ईंगपे अयूम, मरंग राजा सुलइमान हों आँयगराः जमा सिंगार अते हना बहाकून इया सोनहे मेरेय तुसिंग अवेगाड।

लूका 3:11

दो हाँय हँकू एचेरेय कताया, “तोनोंगीग होड़ एचेरे बारटोंग अंगा इदान दो, अंगा कोवानेःआ, हाँय लगा मीटोंग अंगाय हटिंगगोड। अरू तोनोंगीग एचेरे जोम जिनिस इदान दो जोम लगा कोवानेःआ, हाँयग होड़ लगाय हटिंगगोड।”

पिलिपी 4:6

तोनोंग इयाःआ ओंगोल कुहकाःरे अपे अलोपे दोहोन। मनदो जमा बरानाः लगापे अरजीगोड ञवन। अरू धनियाबाद घड़ीन अपे लगा हुडिंग बगरा इदा हना भगवान एचेरेपे असेय।

1 पतरस 5:7

भगवान अपे लगाय ओंगोलगोड ञवनतना। हनालगा अपेराः जमा बरानाः ओंगोल कुहकाःकून हाँय एचेरेपे जिमागोड।