मती ओजाःतेरा भगवानराः नपाय सरवन 6:13 - Korwa Bible

¹³ अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

मती ओजाःतेरा भगवानराः नपाय सरवन 6:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:41

जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

मती ओजाःतेरा भगवानराः नपाय सरवन 5:37

मनदो अपेराः बड़रा हाव दो हनाव, सहे बाइ दो बनाइ दोहोन लगा इदा। नाःआ बड़रा अते एटाः इयाःआपे बड़रा दो हान बेलूर इदा अरू कलउ अगीते इदा।”

मती ओजाःतेरा भगवानराः नपाय सरवन 6:10

आम अले तलारे राइजगे लगाम बुँहड़ीगे। सेरमो देसरे आमराः हिछा पुराःता, हनन इया चउंदीसरे हों आमराः हिछाम पुरावगे।

एहुना 17:15

हँकू नाःआ चउंदीस अते रेम गोःयाकू लगा ईंग मेरिंग अरजीतना। मनदो बेलूरीग अते हँकूम बनसाव हड़ाःकू लगायिंग अरजीतना।

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

1 कुरिंती 14:16

अनबुझ होड़कू अपेराः बड़रा मेरकू बुझाव अवेनता। हनालगा अपे अनबुझ भासीते भगवानपे जाग दो एटाः होड़कू करा इया आमीन माःआनकू कताय?

2 कुरिंती 1:20

दो भगवान जबानकेरा हना जमालेःआ ईसू मसी हनाव हावगोडताय। अरू हना कता बदीरे अमीनबू कतायता, जेमहा अबूते भगवानराः मान मरजइत होयाः।

गलातिया 1:4

नाःआ बेलूर चउंदीसराः जंगरते अबू सडावबू लगा, ईसू मसी अबूरीग अपांग भगवानराः ओंगोल इया, अबूराः कसूर लगा अनँयग आँयग गुजुः लगाय जिमायान।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

2 तिसलूनिका 3:3

मनदो परबू बिसवासगेयीग इदानिया। हनालगा हाँय अपेराः बिसवासे बड़ियाड़गेता अरू कलउ अते अपेय बनसावपेता।

1 तिमुतियूस 1:17

जूग परिया अते राजा इदानिया अरू सगर सइट लगा जीयत इदानिया अरू तोनोंगीग ओरोकू ञेल अवेतिरिया हनाँयग मिनीटोंग भगवानराः मान मरजइत अरू जाग सगर सइट होनोयागोड ञवन, आमीन!

इबरानी 11:36

हँकू अते तोनोंग तोनोंग होड़कू एटाः होड़कू बेग-हतावातेरा अरू तोनोंग तोनोंगकू गुरुदतेकू ञेडतेडकुःआ अरू तोनोंग तोनोंगकू सिकिड़ीतेकू तोलतेडकूखन जेहेलरेकू एचे सींगगोतेडकू।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

1 एहुना 3:8

कलउ दो मनाड़ंग जूग वरीतेय कसूरगोड ञवानतना। नानलगा कसूरगेता हँकुःआ होड़कू कलउरिकुःआ होड़कू हवे। अरू भगवानरीग बेटात कलउराः जमा बुता लाय एनेंडागे लगा चउंदीसरेय वेजेडा।

उदुःतो कताकून 1:18

ईंग गोएगनेना, मनदो अयुमेमे सनागर सइट जिनियतिंग दोहोनता। अरू गुजुः अरू पतालपूरराः चभी इनिंग एचेरे इदा।”

उदुःतो कताकून 19:1

हना तयोमरे सेरमो देसरे मुरुक बगरा होड़कूराः मुरुक सटी खिररीयिंग अयूमतेरा। हँकू कतातेरा, “हालेलुयाह! ने भगवान, आम सडावकेडबुःआ, जंगर अरू मान मरजइत पवाःयीग अनम हवे।

उदुःतो कताकून 19:4

हना तयोमरे मी कुड़ी चइर गोटोंग मूक होड़कू अरू चइरो जीव-जंतूकू, गदीरे दुड़ुःतोय दोहोना हाँयग भगवान मड़ंगरे होरोकियानखनकू जागतिरिया। हँकू कतातेरा, “आमीन! हालेलुयाह!”

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

उदुःतो कताकून 21:4

हाँय हँकूराः जमा मेड दाःए जोड अमिंगकूता। अरू हना तयोमरे गुजुः अरू फिकीर, अरू इयाम, अरू हसू कहियो ओरो दोहोनेना। नाःआ जमाकून सगर सइट लगा टनाड़ाव एंडा जुवाःता।”

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

उदुःतो कताकून 5:13

हनते ईंग सेरमो देसरिकुःआ, अरू ओतरिकुःआ, अरू पतालपूररिकुःआ, अरू समुंदररिकुःआ जमाकू नाःआ इया कतातिंग अयूमतेडकुःआ, “ने भगवान आम गदीरेम दुड़ुःकिया दो आम लगा अरू भेड़ा होन लगा, होड़कू सगर सइट वरी मान मरजइत, जाग, अरू धनियाबादकू एमे अरू अबाराः राइज सगर सइट दोहोन।”