मती ओजाःतेरा भगवानराः नपाय सरवन 5:8 - Korwa Bible

⁸ इंदरी सुद इदा, हँकुःआ होड़कूराः जीव भगवान भलावाडखने नपायगेयता, अरू हँकुःआ होड़कू भगवानकू ञेल अवेता।

मती ओजाःतेरा भगवानराः नपाय सरवन 5:8 ပူးပေါင်းရင်းမြစ်များ

मूक चेलाकू 15:9

हाँयग भगवान अबू अरू हँकू एचेरे तोनोंगाः पाचपटी सुदा मेरेय एचेकेरा। हँकू ईसू एचेरेकू बिसवासतेरा, हनालगा हाँय हँकूराः जीवे एचे सुदकेरा।

1 कुरिंती 13:12

नुँहू अबू अइनारे उंबूलताबू ञेलता हना इया कोयोल कोयोलबू ञेञेलतना। मनदो हनमेला अबू मुहा-मुहीबू ञेलता। नुँहू ईंग एचेरे गुनुनमिन कनहून इदा। मनदो भगवान ईंग बदीरे उडु-बुडूय सुदीकेरा हनन इया हनमेला ईंग हों उडु-बुडूयिंग सुदीगोडता।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

तितूस 1:15

सुद इदानकुःआ हँकुःआ होड़कू लगा जमा कता सुद इदा, मनदो इंदरी अरू ओंगोल बेनेलूराः नेवनते इदा हँकुःआ बेगर बिसवासी होड़कू अरू बेलूर ओंगोल होड़कू लगा जमा कता बेनेलूर इदा।

इबरानी 10:22

दो हनालगा अबू नपाय ओंगोलते अरू मिनी जीवते बिसवासकेडखन भगवान एचेरेबू सेन। अबूराः इंदरी बेलूर ओंगोलते इरची सुदकेडखन अरू अबूराः देह सुद दाःते एचे बुहालकियानखन हाँय एचेरेबू सेन।

इबरानी 12:14

जमा होड़कू सुदा हेल-मेलपे दोहोन लगा अरू सुद जीव जियाः लगा जमालेःआपे कुरनिसगोड ञवन। सुद जीव मेरकू जियाःता हँकुःआ होड़कू भगवान कहियो ओरोकू ञेल अवेतिरिया।

इबरानी 9:14

मसी, सगर सइट जीयत दोहोनता हाँयग सुद बिरुवाते, भगवान मड़ंगरे बेगर गारबारते बलिदानगुः लगा अनँयग आँयगे जिमायान। दो अबूराः ओंगोल गोएगतो इयाःआ बुताकून अते अबू जीयत भगवानबू सेवा अवे लगा हाँयराः बलंगी चिला लगा अरू मेर सुदकेःबुःआ?

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।

एकूब 4:8

भनगवानराः लेसानरेपे दोहोन दो भगवान हों अँननपेराः लेसानरेय दोहोनता। ने कसूर होड़कू, अहापे कसूरगे। ने बार जीव ओंगोल होड़कू, अपेराः जीव सुदगेपे।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

उदुःतो कताकून 22:4

हँकू भगवानराः मुरइतकू ञेलता अरू हाँयराः ञाव हँकूराः समांगरे ओजाःतो दोहोनता।