मती ओजाःतेरा भगवानराः नपाय सरवन 5:45 - Korwa Bible

⁴⁵ नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

मती ओजाःतेरा भगवानराः नपाय सरवन 5:45 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:9

होड़कूकू एचे सलाहता, हँकुःआ होड़कूराः जीव भगवान भलावाडखने नपायगेयता, अरू हाँय हँकुःआ होड़कू, ईंगरिकुःआ लइंकू माःआने कतावाकूता।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

एहुना 13:35

अपे अँननपे अपे अलार-दुलार होड़ेंग दो ननानाः अते जमा होड़कू सुदीगोडपेता अपे ईंगरिकुःआ चेलाकू हवे, माःआन।”

मूक चेलाकू 14:17

हनारे हों भगवान अनँयग बदीरे हिदइते एमेगोड ञवना अरू जमा होड़कू एचेरे मयावाडकूखन नपाय नपाये एचेया। हाँय अपे लगा दाःए एचे उयुःगेता अरू जमा बरानाः बिहानकून ओमोनकियानखन सत बेलारे जोःओकूने एमेयता। हाँय अपे लगा जमा बरानाः जोम जिनिसकून एमेवाडखन अपेराः जीवे बहालगोतेडा।”

इपीसी 5:1

अपे भगवानरिकुःआ दुलार लइंकू हवे। हनालगा हाँयरिकुःआ ञेल सिखात होड़कूपे बड़ाँः।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

1 एहुना 3:9

भगवानराः लूर नेवन आँयगरिकुःआ लइंकू एचेरे दोहोनता। हनन लगा हँकू मेरकू कसूरगोड ञवनता। हँकू भगवान अगीतेकू जनमावकिया। हनन लगा हँकू ओरोकू कसूरगोड ञवननेना।