मती ओजाःतेरा भगवानराः नपाय सरवन 5:19 - Korwa Bible

¹⁹ हनालगा तोनोंगीग होड़ भगवानराः नियमकून अते हुनुडिंगाः नियमे टड़ावगोडता अरू हनन इयाय चेडकूता दो, हाँय भगवानराः राइजरे जमाकू अते हुडिंग कतावाडिगखनकू रगेयता। मनदो हना नियमकूने मनाःता अरू एटाः होड़कूय चेडता, हाँयग होड़ भगवानराः राइजरे जमाकू अते मरंग कतावाडिगखनकू रगेयता।

मती ओजाःतेरा भगवानराः नपाय सरवन 5:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:11

“अपे ईंगपे अयूम, नुँहू वरी चउंदीसरेकू जनमावकिया, हँकुःआ जमा होड़कू अते एहुना मरंगीग हवे। मनदो भगवानराः राइजरीग हुनुडिंगीग होड़ हों एहुना अते मरंग इदानिया।

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

मती ओजाःतेरा भगवानराः नपाय सरवन 20:26

मनदो अपे सुदा नाःआ इया अलो होयाः। अपे अते तोनोंगीग मरंग बड़ाँः लगाय चहाःतना दो, हाँय अपेरीग सेवादारे बड़ाँः,

मती ओजाःतेरा भगवानराः नपाय सरवन 28:20

ईंग अपेयिंग हुकुमवारा हना जमा कताकून मनाः लगा हँकूपे चेडकू। अयुमेपे, नाःआ जूग अरीन टुटीगगुः वरी, ईंग सगर सइट अपे सुदायिंग दोहोनता।”

लूका 1:15

भगवान हाँय मरंगे ओंगलेयता अरू हाँय रंजावतो अंगूरराः रस सहे एटाः तोनोंगाः बुलुः जिनिस अलोय ञूय। हाँय एंगातराः दोनोंगे पेंदाते भगवानराः सुद बिरुवाते पेरेगतोय दोहोनता।

लूका 11:42

मनदो अपे फरीसी होड़कू, अपे दोपे ठीकयना। अपे फुदेना अड़ाः अरू सुदाब अड़ाः अरू एटाः अड़ाःकूनराः दस बंटारे मी बंटा भगवान लगापे एएमेतना। मनदो अपे सतायते मेरपे फड़ियावगेता अरू भगवान मेरपे दुलारगेयता। अपे सतायते फड़ियावकू लगा इदा अरू भगवान दुदुलार इदा अरू मड़ंगतेपे एमे अगूयतना हना हों एएमे इदा।

लूका 9:48

हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”

मूक चेलाकू 1:1

ने तियूपिलूस, आम लगा मड़ंगरेयिंग ओजाःतेरा हना कागदरे, ईसू एचे लगा अरूय चेडकू लगाय बुँहड़ीकेरा,

रूमी 3:8

नाःआ इयाकुःआ होड़कू कतायता, अबूराः कसूर अते नपाय होयाःतना दो, अबू कनासूरगोड ञवनताबू, माःआन। अरू अले बदीरे हों होड़कू कतायता, नँकू हों नाःआ इया होड़कूकू चेडता, माःआन। मनदो नाःआ इयाकू कतायता, हँकुःआ होड़कू डंडकू पनावाःता।

रूमी 6:1

भगवान मयावाडबूखन अबूराः कसूरे बराव एंडाकेरा दो, भगवान अबू अरूय मयावाबू लगा अबू कनासूरगोड ञवनता जा?

रूमी 6:15

दो अपे ईंगपे उदुःवा। अबू नियमकून मनाः अते भगवान अबू मेरेय सडावगाडबुःआ, मनदो मयावाडबूखने सडावकेडबुःआ। दो अबू कनासूरगोड ञवन जा? कहियो ओरो।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

1 पतरस 5:4

दो बिसवासी होड़कूरीग मूक सरवाहा, ईसू मसी कुदा वेग मेला, अपे लगा कहियो ओरो गोसोनेना हना मुरुक मान मरजइतगे इयाःआ इमाने एमेवापेता।

1 एहुना 3:4

कसूरगेताकू हँकुःआ होड़कू भगवानराः नियमकू टड़ावता। अरू सनातायरे भगवानराः नियम टड़ाव दो कसूर हवे।

उदुःतो कताकून 2:20

हनते हों अपे बदीरे ईंगके मीटोंग बड़रा ककता लगा इदा; इजबील ञावीग अइमी मेरपे हिगार एंडायतना। हाँय ईंगरिकुःआ सेवकिया होड़कू अडिगकेडकूखने कतायता, ईंग भगवानराः बड़रा कतायीग अइमी हवे, माःआन। हाँयराः चेडतोते, मुरतीकून मड़ंगरे मंडावतो जिनिसकून जोम लगा अरू सनहा-सनहीपे एचेय लगा होड़कूय बहकावतना।