मती ओजाःतेरा भगवानराः नपाय सरवन 5:17 - Korwa Bible

¹⁷ “भगवानराः नियमकून अरू भगवानराः बड़रा कता होड़कूराः चेडतो लाय एंडागे लगायिंग वेगकिया, माःआन अपे अलोपे ओंगले। मनदो हना जमाकून पुरावगे लगायिंग वेगकिया।

मती ओजाःतेरा भगवानराः नपाय सरवन 5:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 3:15

मनदो ईसू हाँय एचेरेय कतातेड, “नुँहू नाःआ इया होनोयाः ओवामे। भगवान एचे लगाय ओंगलेतना, हना होयाः लगा नाःआ इयालंग एचेय दो नपाय दोहोनता।” हनते एहुना ईसूराः कताय मनावयान।

मती ओजाःतेरा भगवानराः नपाय सरवन 7:12

दो जेहो सकालाः एटाः होड़कूते अपे चहाःतना हनन इया हँकू सुदापे एचेय। मोसेस एमेतेरा हना नियमकूनरे अरू भगवानराः बड़रा कता होड़कूराः कागदरे ननानाः कता इदा।

लूका 16:17

अपे ईंगपे अयूम, सेरमो अरू ओत टगाव जुवाःता, मनदो भगवानराः सरवन गुनमिनाः टिका हों ओरो टगावनेना।

एहुना 8:5

नाःआ इयाकुःआ अइमीकू दिरिते तेके गोएग एंडाकू लगा भगवानराः नियमरे मोसेस हुकुमकेरा। दो आम नाँयग अइमीराः बदीरे चेले माःआनमे कतायतना?”

मूक चेलाकू 18:13

हँकू हाँय बदीतेडखनकू कतातेरा, “नाँयग होड़ नाःआ सहररिकुःआ होड़कू अलेराः नियम इया कोवान, मनदो एटाः इया भगवान जाग लगाय चेडलेतना।”

मूक चेलाकू 21:28

अरू खिररी घड़ीनकू कताया, “ने इसराएल देसरिकुःआ होड़कू, अलेपे संघरावा। नाँयग होड़ जमा देसरिकुःआ होड़कू एचेरे अबू एहूदाकू बदीतेडखन अरू अबूराः नियम अरू भगवान ओड़ाः बदीतेडखने चेडकूतना। हनाते हों कोवान, नाँय बेगर एहूदाकू भगवानराः ओड़ाःरे अगूतेडकूखने एचे सात-भाड़गोतेडा।”

मूक चेलाकू 6:13

हँकू लबरा हिदइतदारकू हाँय बदीरेकू एचे चड़ाँतेडकुःआ अरूकू कतातेरा, “नाँयग होड़ भगवानराः ओड़ाः अरू मोसेस एमेतेरा हना नियम बदीरे ओपता घड़ीने कतागोड ञवनतना।

रूमी 10:4

ईसू मसी मोसेसराः जनामा नियमकूने पुराव एंडागोतेडा। हनालगा हाँय एचेरेकू बिसवासगेता हँकुःआ होड़कू भगवानराः ओंगोलरे बेगर गारबार होड़कूकू बड़ाँव जुवाःता।

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 8:4

दो नुँहू अबू कसूर जीवराः ओंगोल इया मेरबू सलाःतना। मनदो सुद बिरुवाराः ओंगोल इयाबू सलाःतना। ननानाः लगा नुँहू अबू जमालेःआते नियमकूनबू मनाव अवेनता।