मती ओजाःतेरा भगवानराः नपाय सरवन 5:15 - Korwa Bible

¹⁵ हनन इया तोनोंगीग होड़ ढिबरी सलगावकेडखन टुकुनूते ओरोय दाब ओकोतेरा, मनदो भीट सेरमोरेय मंडावगोडता अरू ओड़ाः पेंदारेकू दोहोनता हँकुःआ जमा होड़कू मरसलकू पवाःता।

मती ओजाःतेरा भगवानराः नपाय सरवन 5:15 ပူးပေါင်းရင်းမြစ်များ

मरकूस 4:21

ईसू अरू मीटोंग अउल-तउल कहड़ीय कतातेड, “तोनोंगीग होड़ ढिबरी सलगावकेडखन टुकनूते ओरोय दाबतेरा सहे खटी पेंदारे ओरोय मंडावतेरा। मनदो भीटरेय वकागोडता।

लूका 11:33

“तोनोंगीग होड़ ढिबरी सलगावकेडखन टुकुनूते ओरोय हरूब ओकोतेरा। मनदो ढिबरी भीट चोटरेय मंडवेता, जेमहा ओड़ाः पेंदाकू बोल हँकू मरसलकू पवाः।

लूका 11:36

आमराः जमा देह मरसल दोहोन अरू तोनोंग अंदरा मेर दोहोन दो, ढिबरी मरसल एमेयता हनन इया आमराः जीव हों मरसलते पेरेग जुवाःता।”

लूका 8:16

तोनोंगीग होड़ ढिबरी सलगावकेडखन टुकनूते ओरोय दाबतेरा, अरू खटी पेंदारे ओरोय मंडावतेरा। मनदो भीटरेय वकागोडता, जेमहा ओड़ाः पेंदारेकू बोल हँकुःआ होड़कू लगा मरसल एमेय।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

इबरानी 9:2

दो मीटोंग टपइर ओड़ाः दोहोना। हना ओड़ाःराः मड़ंग छिना सुद ततेर दोहोना। अरू हंडा मीटोंग ढिबरी अरू मीटोंग टिबूल अरू सुदतो रुटी दोहोना।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।