मती ओजाःतेरा भगवानराः नपाय सरवन 5:10 - Korwa Bible

¹⁰ नपाय बुताकू बुतातान अते संतावरेकू पराःता हँकुःआ होड़कूराः जीव भगवान भलावाडखने नपायगेयता, अरू भगवानराः राइजरे हँकू बोलो अवेनता।

मती ओजाःतेरा भगवानराः नपाय सरवन 5:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:23

अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।

मती ओजाःतेरा भगवानराः नपाय सरवन 19:14

दो ईसू कतातेड, “लइंकू अहापे रोंकावकू। ईंग एचेरेपे वेग ओवाकू। नँकुःआ लइंकू इया इदानकुःआ हँननकुःआ होड़कूराः हवे भगवानराः राइज।”

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

मती ओजाःतेरा भगवानराः नपाय सरवन 5:3

“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता, अरू सेरमो देस हँननकूराः हवे।

मरकूस 10:14

नाःआ ञेलवाडखन ईसू रीसयाने अरूय कतावाकुःआ, “लइंकू ईंग एचेरेपे वेग ओवाकू। हँकू अहापे रोंकावकू। नँकुःआ लइंकू इया इदानकुःआ, हँननकुःआ होड़कूराः हवे भगवानराः राइज।

मरकूस 10:30

दो नाःआ जूगरे ओड़ाःकून, वपक बोपोहकूतेन, अजी-मेमेसकूतेन, एपेंगकूतेन, लइंकूतेन अरू दोहोड़कूनतेन सव गुना बगराय पवाःता अरू कटसिया सहाव पारकेडखन सेरमो देसरे ओरो टुटीगनेना हना जीव होंय पवाःता।

लूका 21:12

नाःआ जमा होयाः अते मड़ंग ईंग बदीरे होड़कू अपेकू साबता अरूकू संतावपेता। अपे पंचाइतरेकू जिमापेता अरू जेहेलरेकू एचे सींगपेता अरू राजाकू अरू हातपात होड़कू मड़ंगरेकू एचे चड़ाँपेता।

लूका 22:29

ईंग अपांग भगवान, राइजगे लगा ईंग हातपाते ओवाकिरिंगा हनन इया अपे होयिंग ओवाता,

लूका 6:20

ईसू हनमेला अनँयग चेलाकू अगी ञेलवातेडखने कताया, “ने गरीब होड़कू, अपेराः जीव-जहन भगवान भलावाडखने नपायगेता। हनालगा भगवानराः राइज अँननपेराः हवे।

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

एहुना 15:20

अपे एचेरेयिंग कतातेरा हना बड़रा अपे उहियार अगूयपे, तोनोंगीग बेगारी होड़ आँयगरीग मालिक अते मरंग मेरेय दोहोनता। हँकू ईंगकू संतावतेरा दो, अपे होंकू संतावपेता। अरू हँकू ईंगराः कताकू मनाः दो, अपेराः कता होंकू मनाःता।

मूक चेलाकू 5:40

दो हना कतारे मरंग पंचाइतरिकुःआ जमा होड़कू रायनेना। हनते हँकू मूक चेलाकू राःतेडखन गुरुंदतेकू एचे ञेडतेडकुःआ। हनते हँकू ईसूराः ञावते तोनोंगीग एचेरे अहाकू कताय लगा सेतावतेडकूखनकू अड़ाःगोतेडकू।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

2 कुरिंती 4:17

अलेराः निःई मिनाः गुनुनहोन कटसिया अते अले ओरोले अउल-तउल अवेतेरा हना इयाःआ मान मरजइत सगर सइट लगाले पवाव जुवाःता।

पिलिपी 1:28

अपेकू घंटावता हँकुःआ होड़कू सुदा अहापे बोर। अपे डीड़तेपे दोहोन दो, हँकुःआ होड़कू सुदीगोडता, भगवान अबूय लाय एंडाबूता, मनदो हाँय हँकूय सडावकूता, माःआन।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

एकूब 1:12

अपेराः बिसवास बदीरे अंदजाव होयाः मेला, सहाव घड़ीन बिसवासरे बड़ियाड़े दोहोनता हाँयग होड़राः जीव, भगवान ननपायगेता। तयोमरे हाँय लगा ओरो टुटीगनेना हना जीवराः इमान भगवान एमेयता। भगवानकू दुलारता हँकुःआ होड़कू हना इमान एमे लगाय जबानकेरा।

एकूब 5:11

सहाव घड़ीनकू दोहोनता हँकुःआ होड़कू सनातायरे ननपायबू कतावाकूता। अयूब करा इया कटसियाय सहावगेःआ अरू करा इया परबू हाँय लगा जमाकूने नपायगोतेड, हना कता अपे अनायूमकेरा। नाःआ अते अबू सुनुदीयतना, अबूरीग परबू अबूय सोगावाबूता अरूय मयावाबूता।

1 एहुना 3:12

अपे कलउरीग होड़ काइन इया अहापे होयाः। हाँय अनँयग बोहोते ञेड एंडातेरा। हाँय चिला लगाय ञेड एंडातिरिया? हाँयगराः बुता बेलूर दोहोना अरू बोहोतराः नपाय दोहोना। हनालगा हाँय ञेड एंडातिरिया।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।