मती ओजाःतेरा भगवानराः नपाय सरवन 28:2 - Korwa Bible

² दो ओहेन हंडा ओत मुरुक डोलाःआ अरू सेरमो देस अते परबू भगवानरीग बराहील मड़गट अगीय उतराव वेजेडा। अरू हना मरंग दिरि, दुवारते कोलोंग चलाःतेडखन हना दिरि चोटरेय दुड़ुःयान।

मती ओजाःतेरा भगवानराः नपाय सरवन 28:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:60

अरू चटइनरे कोटेग कोटेगकू तुलातेरा अनँयगराः नँवा लात मड़गटरेय मंडावतेरा। हनते हना लात दुवाररे मीटोंग मरंग दिरिय कोलोंग रेडतेरा। हनते हाँय अनँयग ओड़ाः तोराय।

मती ओजाःतेरा भगवानराः नपाय सरवन 27:66

दो हँकू सेनेडखन नपायते हना दिरि लातराः मड़गटकू रेडतेरा अरू हना मड़गट लातराः दिरि चोटरे मीटोंग मोहरकू लगावतेरा अरू अगुरागे लगा अगुरादारकू लगावतेरा।

एहुना 20:1

हपताराः मड़ंग एतवार दिनरे, आंग फइड़साःआ मेला, मगदलियायिन मरियम हना मड़गटरेय सेनेडा अरू लात दुवारराः दिरि, चलाःतोय ञेलतेरा।

मूक चेलाकू 16:26

दो असाका हना ततेरराः ओत डोलावनेना अरू जेहेलराः नेव हों हिलावयान। हनमेला जेहेलराः जमा दुवारकून गीगयान अरू जमा होड़कूराः सिकिड़ी हों लड़ायान।

मूक चेलाकू 5:19

मनदो रइत मेला परबू भगवानरीग बराहील हना जेहेलराः दुवारकूने गीगतेरा अरू हँकू बहरी उडुंग अगूतेडकूखन

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 पतरस 1:12

हँकू अँननकूराः नफा लगा कोवान, मनदो नपाय सरवनकू अयुमेता हँकुःआ होड़कू लगाकू सेवाःआ, माःआन भगवान हँकूय एचे सुदीवातेडकुःआ। अरू नाःआ बेलारे, भगवान सेरमो देस अतेय वारकेरा हाँयग सुद बिरुवाराः जंगरते पपरसार होड़कू अपे एचेरे, सेरमो देसरिकुःआ बराहीलकू हों बुझाः लगाकू तरसाःतना, हना नपाय सरवनकू परसारकेरा।

उदुःतो कताकून 11:19

हनते सेरमो देसरे इदा हना भगवानराः ओड़ाःकू गीगतेरा। अरू हना ओड़ाः पेंदारे भगवानराः कता-जमकावतोराः बकसा ञिलुःआ। हनमेला ठेड़ररे विड़चेड़ा अरू बदरी हदूड़ा अरू ओत डोलाःआ अरू मरंग मरंग अरील लोजोरनेना।