मती ओजाःतेरा भगवानराः नपाय सरवन 28:18 - Korwa Bible

¹⁸ हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 28:18 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मती ओजाःतेरा भगवानराः नपाय सरवन 26:64

दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”

लूका 10:22

भगवान एचेरे ईसू अरजी चबाकेडखन हँकुःआ चेलाकू एचेरेय कताया, “ईंग अपांग ईंग एचेरे जमालेःआए जिमागोतेरा। अपात एकला सुदीयतना बेटात इये हवे अरू अपात इये हवे हना दो बेनेटात एकला सुदीयतना। अरू बेटात उदुःवाकू लगाय चहाःता हँननकुःआ होड़कू होंकू सुदीयता।”

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 3:31

“सेरमो देस अतेय वेगता हाँयग होड़ जमाकू अते मरंग इदानिया। चउंदीसरेय जनमावकिया हाँय नानाः चउंदीसराः कताकूने कतायता। हनालगा सेरमो देस अतेय वेगता हाँयग होड़ जमाकू अते अगम मरंगे दोहोनता।

एहुना 3:35

अपांग भगवान अनँयग बेटाय अलार-दुलारता अरू जमा जिनिसकून हनाँय एचेरेय जिमाकेरा।

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

रूमी 14:9

ननानाः लगा ईसू मसी गोएगनेनखन अरूय जियाव रेमकिया, जेमहा गोएगतो होड़कू अरू जीयत होड़कू होंकू कबुलाव अवेन, नाँय अबूरीग परबू हवे, माःआन।

1 कुरिंती 15:27

भगवानराः कागदरे ओजाःतो इदा, “भगवान जमाकून हाँय हातपातगे लगा काट पेंदारेय मंडावगोतेरा।” जमाकून हाँय हातपातगे लगा काट पेंदारेय मंडावगोतेरा, माःआन उदुःगेता दो नाःआराः मतलोब नाःआ हवे, जमा बरानाः हाँयराः आड़रेय जिमागोतेरा। मनदो भगवान जमा बरानाः हाँयराः आड़रेय जिमागोतेरा, दो भनगवान एकला हाँयराः आड़रे कोवाया।

कुलूसी 2:10

जमा इयाःआ हातपातदारकू अरू राइजगेताकू अते हनाँय मूक हवे। अरू अपे हाँय सुदापे मिनीयान दो, अपे हों उडु-बुडू जीवपे पवावकिया।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

इबरानी 2:8

मान मरजइत सुदा मरंगमे तुलाकिडिया।” जमा बरानाः मनुवाराः आड़रे भगवान जिमातेरा दो, तोनोंगाः हाँयराः आड़रे दोहोन अते मेरेय रोंकावगरा। मनदो नुँहू वरी जमालेःआ हाँयराः आड़रे इदा हना इया मेरबू ञेलता।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

उदुःतो कताकून 11:15

हनते सात नमाररीग सेरमो देसरीग बराहील मरंग सोहनाईए ओंगतेड दो, सेरमो देसरे मुरुक सटी अरो अयमुःआ। हँकू कतातेरा, “चउंदीसराः राइजकून अबूरीग परबू भगवानराः अरू आँयगरीग मसीराः होयाकिया। अरू हाँय सगर जूग वरीय राइजगोड ञवनता।”

उदुःतो कताकून 17:14

हँकू भेड़ा होन सुदाकू लड़ाइता। मनदो हाँयग भेड़ा होन राजाकूरीग राजा अरू परबूकूरीग परबू हवे। हनालगा हाँय हँकूय हरुवावगोडकूता। हाँय सुदा इदानकुःआ हँकुःआ होड़कू हों हाँय सुदाकू जीताव जुवाःता। हँकू राःतो, अरू सुनावतो, अरू बिसवासगे इयाकुःआ हवे।”

उदुःतो कताकून 19:16

हाँयराः सोनहेरे अरू हाँयराः पिंडातेनरे मीटोंग नाःआ इया ञाव ओजाःतो इदा, राजाकूरीग राजा अरू परबूकूरीग परबू।